മസ്കറ്റ് :സ്വർണം,രത്നാഭരണങ്ങൾ തുടങ്ങിയവയുടെ വിപുലമായ ശേഖരമുൾക്കൊള്ളിച്ചുള്ള പത്താമത് മസ്കറ്റ് അന്താരാഷ്ട്ര ആഭരണ പ്രദർശനം (മിജെക്സ്) ഡിസംബർ മൂന്ന് മുതൽ ഏഴു വരെ ഒമാൻ കൺവെൻഷൻ ആൻഡ് എക്സിബിഷൻ സെന്ററിൽ നടക്കും.കൺവെൻഷൻ സെന്ററിലെ നാല്, അഞ്ച് ഹാളുകളിലാണ് ആഭരണ പ്രദർശനം നടക്കുക.അഞ്ച് ദിവസത്തെ മേളയിൽ മസ്കറ്റിലും ഒമാന് പുറത്തുമുള്ള നിരവധി സ്വർണാഭരണ,വജ്ര വ്യാപാരികൾ പങ്കെടുക്കും.
ഇൗ വർഷത്തെ പ്രദർശനത്തിൽ കൂടുതൽ പുതുമകളും പവലിയനുകളും ഒരുക്കിയിട്ടുണ്ട്. ഒമാനു പുറമെ ഇന്ത്യ, ഇറ്റലി, ആസ്ട്രേലിയ, ബ്രിട്ടൻ, അമേരിക്ക, തായ്ലൻഡ്, തുർക്കി, യു.എ.ഇ തുടങ്ങിയ ഇടങ്ങളിൽനിന്നുള്ള 150ഒാളം പ്രദർശകരാണ് ആഭരണ മേളക്ക് എത്തുക. ഏറ്റവും പുതിയ ആഭരണ ശേഖരങ്ങൾക്ക് ഒപ്പം പരമ്പരാഗത രൂപകൽപനയിലുള്ള മികവുറ്റ ആഭരണങ്ങളും വരാനിരിക്കുന്ന ട്രെൻഡുകളുമൊക്കെ മേളയിൽ എത്തിക്കുമെന്ന് സംഘാടകർ അറിയിച്ചു.
കൂടുതൽ വിവരങ്ങൾക്ക് https://muscatjewelleryshow.co എന്ന വെബ്സൈറ്റ് സന്ദർശിക്കുക.
