ബർക്ക : മുസ്സന്ന ക്രിക്കറ്റ് ഗ്രൗണ്ടിൽ സംഘടിപ്പിച്ച നാലാമത് സുധീർ മെമ്മോറിയൽ ക്രിക്കറ്റ് ടൂർണമെന്റിന്റെ ഫൈനൽ മത്സരത്തിൽ എഫ്. സി ഗോവയെകീഴ്പ്പെടുത്തി ഈഗിൾസ് കദ് റ ജേതാക്കളായി.ബില്ല ക്രിക്കറ്റ് ക്ലബ്ബിന്റെ നേതൃത്വത്തിൽ സംഘടിപ്പിച്ച ടൂർണമെന്റിൽ ബർക സുവൈഖ് ഏരിയകളിൽ നിന്നായി 8 ഓളം ടീമുകൾ പങ്കെടുത്തു. ആവേശകരമായ ഫൈനൽ മത്സരത്തിൽ 9 വിക്കറ്റിന് ഈഗിൾസ് കദ്റ എഫ്. സി ഗോവയെ പരാജയപ്പെടുത്തി.ഫൈനൽ മത്സരത്തിന്റെ മികച്ച താരമായി ഈഗിൾസ് കദ്റയുടെ ഉസ്മാൻ അലിയും ടൂർണമെന്റിലെ മികച്ച ബൗളറായി ഈഗിൾസ് ടീമിലെ തന്നെ അബുതാഹിറിനെയും തിരഞ്ഞെടുത്തു.മികച്ച ബാ‌റ്റ്സ്മാനായി എഫ് സി ഗോവയുടെ ഉസ്മാനെയും തെരഞ്ഞെടുത്തു.
