ബഹ്‌റൈൻ : ബി കെ എസ് എഫ് – ബി എം ബി എഫ് സംയുക്തമായി നടപ്പിലാക്കുന്ന HELP AND DRINK 2020 പദ്ധതിക്ക് ഇന്ന് തുടക്കം കുറിച്ചു . മനാമയിലെ ഫിനാൻഷ്യൽ ഹാർബർ തൊഴിലാളി സൈറ്റിൽ സാമൂഹ്യപ്രവർത്തകനും പ്രവാസി കമ്മീഷണറുമായ സുബൈർ കണ്ണൂരും മലയാളി ബിസിനസ് ഫോറം ജനറൽ സെക്രട്ടറിയും സാമൂഹ്യ പ്രവർത്തകനുമായ ബഷീർ അമ്പലായിയും കൂടി സംയുക്തമായി ഉൽഘാടനം ചെയ്തു . പൊള്ളുന്ന കഠിന ചൂടിൽ അർഹതപ്പെട്ട തൊഴിലാളികളുടെ ജോലിയിടങ്ങളിൽ കുടിവെള്ളം ,പഴങ്ങൾ മറ്റു ഭക്ഷണങ്ങൾ വിഭവങ്ങൾ നേരിട്ട് എത്തിക്കുന്ന പദ്ധതി ആണ് ” ഹെല്പ് ആൻഡ് ഡ്രിങ്ക് ” കഴിഞ്ഞ അഞ്ചു വർഷക്കാലമായി ബഹ്‌റൈൻ മലയാളി ബിസിനസ് ഫോറത്തിൻറ്റെ നേതൃത്വത്തിൽ ആണ് പദ്ധതി നടന്നു വരുന്നത് . ചടങ്ങുകൾക്ക് ബി കെ എസ് എഫ് – ബി എം ബി എഫ് അംഗങ്ങളായ ലെത്തീഫ് മരക്കാട്ട് ,അൻവർകണ്ണൂർ ,കാസിം പാടത്തെകായിൽ , അജീഷ് കെവി, അൻവർ ശൂരനാട് ,ജൈനൽ ,നൗഷാദ് പൂനൂർ,മൊയ്തീൻ ഹാജി,സത്യൻ പേരാമ്പ്ര, മൺസൂർ,സെലീം കണ്ണൂർ, നെജീബ്, സെലീം അമ്പലായി എന്നിവർ നേതൃത്വം നൽകി . കോവിഡ് മഹാമാരിയുടെ പ്രത്യക സാഹചര്യത്തിൽ നിർദേശങ്ങൾ പാലിച്ചു കൊണ്ട് നടപ്പിലാക്കുന്ന പദ്ധതി സാധാരണ തൊഴിലാളികൾക്ക് കൂടുതൽ ആശ്വാസം നൽകുകയാണ്
