ബഹ്‌റൈൻ : ഈദ് അവധി ദിവസം മുതലാണ് പുതിയ മാനദണ്ഡങ്ങൾ ഏർപ്പെടുത്തിയിരിക്കുന്നത് . കോ വിഡ് പ്രതിരോധ കുത്തിവെപ്പുകൾ സ്വീകരിക്കുകയോ കോവിടിൽ നിന്ന് രോഗമുക്തി നേടിയവർകും മാത്രമായി ഇൻഡോർ സേവനങ്ങൾ നൽകും . റെസ്റ്റോറന്റുകൾ കഫേകൾ എന്നിവക്കുള്ളിലെ ഭക്ഷണം കഴിക്കൽ , ഇൻഡോർ ജിംനേഷ്യങ്ങൾ, സ്പാ, ഇൻഡോർ നീന്തൽ കുളങ്ങൾ , സിനിമ ശാലകൾ , ഗെയിം സെന്ററുകൾ , എക്സിബിഷനുകൾ , കോൺഫറൻസുകൾ വിനോദങ്ങൾ, എന്നിവയാണ് മുകളിൽ പറഞ്ഞവർക്ക് ഈദ് ദിനം മുതൽ അനുമതി നൽകിയ സേവനങ്ങൾ . ഗവൺമെന്റ് എക്സിക്യൂട്ടീവ് കമ്മിറ്റിയുടെ അംഗീകാരത്തോടെ ദേശീയ മെഡിക്കൽ ടാസ്ക് ഫോഴ്സ് സുപ്രീം ഹെൽത്ത് കൗൺസിൽ ചെയർമാൻ ശൈഖ് മുഹമ്മദ് ബിൻ അബ്ദുല്ല അൽ ഖലീഫ ആണ് സേവനങ്ങൾ പുനരാരംഭിക്കുന്നത് പ്രഖ്യാപിച്ചത്. സാമൂഹികലവും മുൻകരുതൽ നടപടികളും കൃത്യമായി പാലിച്ചായിരിക്കും പ്രവേശനം നൽകുന്നത് . പ്രേവേശനത്തിനായി വാക്സിൻ സ്വീകരിച്ച സ്വദേശികളും വിദേശികളും ബി വെയർ ആപ്പിൽ ലഭ്യമാകുന്ന ഗ്രീൻ ഷീൽഡ് കാണിക്കണം . മറ്റു രാജ്യങ്ങളിലുള്ള പൗരന്മാരും പ്രവാസികളും അതത് രാജ്യങ്ങളിൽ കോവിഡ് 19 മൊബൈൽ ആപ്പിൽ ലഭ്യമാകുന്ന സർട്ടിഫിക്കറ്റ് ഹാജരാക്കാം . മറ്റു രാജ്യങ്ങളിൽ നിന്നും വാക്സിൻ സ്വീകരിച്ച് വരുന്ന സന്ദർശകർ വിമാനത്താവളത്തിൽ എത്തുമ്പോൾ ലഭിക്കുന്ന അംഗീകൃത സർട്ടിഫിക്കറ്റ് ഹാജരാക്കണം . 12 വയസ്സിൽ താഴെയുള്ള വർക്കും ഇൻഡോർ സേവനങ്ങൾ ലഭ്യമാകും .
