ജിദ്ദ :ഒ ഐ സി സി സൗദി വെസ്റ്റേൺ റീജനൽ കമ്മിറ്റിയുടെ നേതൃത്വത്തിൽ ശബരിമലയിൽ തീര്തഥാടനത്തിനെത്തുന്ന അയ്യപ്പ ഭക്തന്മാർക്ക് അന്നദാനം നടത്തി. ആയിരം അയ്യപ്പ ഭക്തൻ മാർക്ക് പത്തനംതിട്ട മുനിസിപ്പൽ ഇടത്താവളത്തിൽ നടന്ന അന്നദാനത്തിൽ ,മുൻ ഡി സി സി പ്രസിഡന്റ്‌, കെ പി സി സി അംഗവുമായ പി മോഹൻ രാജ്, കൺവീനർ അനിൽ കുമാർ പത്തനംതിട്ട, രാജേന്ദ്രൻ മാഷ്, ഷറഫ് പത്തനംതിട്ട, അശോക് കുമാർ മൈലപ്ര പങ്കെടുത്തു.കഴിഞ്ഞ മൂന്നു വർഷമായി ജിദ്ദ ഒ ഐ സി സി ശബരിമല സേവന കേന്ദ്രത്തിന്റെ നേതൃത്ത്വത്തിൽ ഇടത്താവളത്തിലും, മൈലപ്രയിലും, വടശേരിക്കരയിലും കുടിവെള്ളം, ചുക്കുകാപ്പി, ലഖു ഭക്ഷണം എന്നിവ വിതരണം നത്തിവരാറുണ്ട്. തുടർ ശബരിമല തീര്തഥാടന ദിവസങ്ങളിലും ഭക്തൻമാർക്ക് വേണ്ട സഹായസഹകരണങ്ങൾ നൽകുവാനും, കുടിവെള്ളം, ലഖുഭക്ഷണം മുതലായവ വിതരണം ചെയ്യുവാനും ജിദ്ദ ഒ ഐ സി സി യുടെ ശബരിമല സഹായകേന്ദ്രം ഉണ്ടാകുമെന്നു ചെയർമാൻ കെ ടി എ മുനീർ, കൺവീനർ അനിൽ കുമാർ പത്തനംതിട്ട, ജോയിന്റ് കൺവീനർ രാധാകൃഷ്ണൻ കാവുമ്പായി എന്നിവർ സംയുക്തമായി അറിയിച്ചു. കൂടുതൽ വിവരങ്ങൾക്ക്‌ കോർഡിനേറ്റർ അശോക് കുമാർ മൈലപ്ര, 9605982754 ഷറഫ് പത്തനംതിട്ട 6282528244 എന്നിവരെ നാട്ടിൽ ഈ ബന്ധപ്പെടാം.
