ബലി പെരുന്നാളവധി: വീസ സേവനങ്ങള്‍ക്ക് സ്മാര്‍ട് ചാനലുകള്‍ ഉപയോഗപ്പെടുത്തണം

ദുബായ്∙ ബലി പെരുന്നാൾ (ഈദുൽ അദ്‌ഹ) അവധിക്കാലത്ത് വീസ സേവനങ്ങൾക്ക് തങ്ങളുടെ സ്മാർട് ചാനലുകൾ ഉപയോഗപ്പെടുത്താൻ ശ്രദ്ധിക്കണമെന്ന് ജനറൽ ഡയറക്ടറേറ്റ് ഓഫ് റസിഡൻസി ആൻഡ് ഫോറിനേഴ്സ് അഫയേഴ്സ് അഭ്യർഥിച്ചു. സ്മാർട് ചാനലുകൾ: http://smart.gdrfad.gov.ae GDRFA DUBAI സ്മാർട് സ്മാർട് ആപ്ലിക്കേഷൻ. വകുപ്പിന്റെ മിക്ക സേവനങ്ങളും ഇപ്പോൾ സ്മാർട് ചാനലിൽ ലഭ്യമാണ്.ഇതിനിടെ അല്‍ അവീറിലെ കസ്റ്റ്മർ ഹാപ്പിനസ് ക്ലിയറൻസ് വിഭാഗം ഇൗ മാസം 8 മുതൽ 11 വരെ രാവിലെ 6 മുതൽ രാത്രി 10 വരെ ഉപയോക്താക്കളെ സ്വീകരിക്കുമെന്ന് അറിയിച്ചു. അടിയന്തര സേവനങ്ങൾക്ക് ദുബായ് രാജ്യാന്തര വിമാനത്താവളത്തിന്റെ ടെര്‍മിനല്‍ 3ലെ ജിഡിആര്‍എഫ്എ ഓഫിസ് 24 മണിക്കൂറും പ്രവർത്തിക്കും. ദുബായിലെ വീസ സംബന്ധമായ ഏത് അന്വേഷണങ്ങള്‍ക്കും ടോൾ ഫ്രീ നമ്പറായ 800 5111 വിളിക്കണമെന്ന് ജിഡിആർഎഫ്എ ദുബായ് തലവൻ ലഫ്. ജനറൽ മുഹമ്മദ്‌ അഹ്‌മദ്‌ അൽ മർറി അറിയിച്ചു.