ബഹ്‌റൈൻ : സെന്റ് പീറ്റേഴ്സ് ഇടവകയുടെ ക്രിസ്മസ് ശുശ്രൂഷകൾക്കും, ഡിസംബർ 30 തിന് നടക്കുന്ന ഇടവക സംഗമത്തിനും ക്രിസ്മസ് പുതുവത്സര ആഘോഷങ്ങൾക്കുമായി ബഹ്‌റിനിൽ എത്തിച്ചേർന്ന ഇടവകയുടെ പാത്രിയാർക്കൽ വികാർ അഭിവന്ദ്യ മാത്യൂസ് മോർ തേവോദോസിയോസ് മെത്രാപ്പോലീത്തയ്ക്ക് ഇടവക വികാരി റവ. ഫാ. റോജൻ പേരകത്തിന്റെ നേതൃത്വത്തിൽ സ്വീകരണം നൽകി. വൈസ് പ്രസിഡന്റ് ശ്രീ. റോബി മാത്യു ഈപ്പൻ, സെക്രട്ടറി ശ്രീ. ഏലിയാസ് ജേക്കബ്, ട്രസ്റ്റി ശ്രീ. റെജി വർഗീസ്, ജോയിന്റ് ട്രസ്റ്റി പോൾസൺ വർക്കി, മാനേജിങ് കമ്മറ്റി ഭാരവാഹികൾ, ഇടവക ജനങ്ങൾ ഉൾപ്പെടെയുള്ളവർ ചേർന്ന് അഭിവന്ദ്യ പിതാവിനെ സ്വീകരിച്ചു. ക്രിസ്തുമസ് ശ്രുശൂഷയോടനുബന്ധിച്ചു ഇരുപത്തിനാലിനു ശനിയാഴ്ച്ച വൈകുന്നേരം 6.00 മണിക്ക് സന്ധ്യാനമസ്കാരവും തുടർന്ന് യൽദോ പെരുന്നാൾ ശുശ്രുഷയും വി. കുർബാനയും, സ്നേഹവിരുന്നും നടക്കുമെന്നും , 2023 വർഷത്തിലേക്കുള്ള കലണ്ടർ അന്നേ ദിവസം അഭിവന്ദ്യ പിതാവ് പ്രകാശനം ചെയ്യു മെന്നും ഇടവകയുടെ മാനേജിങ് കമ്മറ്റി ഭാരവാഹികൾ അറിയിച്ചു.
