ബഹ്‌റൈൻ : വോയിസ് ഓഫ് ട്രിവാൻഡ്രം ബഹ്‌റൈൻ ഫോറം വനിതാ വിഭാഗത്തിന്റെ നേതൃത്വത്തിൽ വിപുലമായ രീതിയിൽ വനിതാ ദിനം അൽ ഹിലാൽ സൽമാബാദിൽ വച്ച് സമുചിതമായി ആഘോഷിച്ചു . വനിതാ വിഭാഗം പ്രസിഡന്റ് അനുഷ്‌മ പ്രശോഭ് ചടങ്ങിൽ അധ്യക്ഷത വഹിച്ചു. വനിതാ വിഭാഗം സെക്രട്ടറി ആയിഷ സിനോജ് സ്വാഗതം ആശംസിച്ചു . വോയിസ് ഓഫ് ട്രിവാൻഡ്രം ബഹ്‌റൈൻ ഫോറം പ്രസിഡന്റ് ശ്രീ. സിബി കെ .തോമസ് , ആക്ടിങ് സെക്രട്ടറി ശ്രീ. മനോജ് വർക്കല എന്നിവർ വനിതാ ദിന ആശംസകൾ നേർന്നു സംസാരിച്ചു. ചടങ്ങിൽ പങ്കെടുത്ത മുഴുവൻ വനിതകളെയും ആദരിച്ചു . മോട്ടിവേഷൻ സ്‌പീക്കറും വോയിസ് ഓഫ് ട്രിവാൻഡ്രം അംഗവും ആയ ശ്രീമതി വിനീത ശ്രീജിത്തിന്റെ ക്ലാസ് വേറിട്ട ഒരു അനുഭമായിരുന്നു ജീവിതത്തിൽ മുന്നേറാനും വിജയം കൈവരിക്കാനും ഈ ക്ലാസ് വളരെ സഹായകമായി എന്ന് പങ്കെടുത്തവർ അഭിപ്രായപ്പെട്ടു .ചടങ്ങിൽ വനിതാ വിഭാഗം ജോയിന്റ് സെക്രട്ടറി സിമി സ്റ്റാർവിൻ നന്ദി അറിയിച്ചു.
