കഴിഞ്ഞ വർഷം ദുകം സാമ്പത്തിക മേഖലയിൽ ലഭിച്ചത് 14 ശ​ത​കോ​ടി ഡോളർ നിക്ഷേപം.

മ​സ്​​ക​റ്റ് : ദു​കം പ്ര​ത്യേ​ക സാ​മ്പ​ത്തി​ക മേ​ഖ​ല അ​തോ​റി​റ്റി ക​ഴി​ഞ്ഞ വ​ർ​ഷം അ​വ​സാ​നം വ​രെ ആ​ക​ർ​ഷി​ച്ച​ത്​ 14 ശ​ത​കോ​ടി ഡോ​ള​റി​ന്റെ നി​ക്ഷേ​പം. അ​തോ​റി​റ്റി​യു​ടെ ത്രൈ​മാ​സ മാ​സി​ക​യു​ടെ ജ​നു​വ​രി പ​തി​പ്പി​ൽ ചെ​യ​ർ​മാ​ൻ യ​ഹ്​​യാ ബി​ൻ സ​ഇൗ​ദ്​ അ​ൽ ജാ​ബ്​​രി എ​ഴു​തി​യ ലേ​ഖ​ന​ത്തി​ലാ​ണ്​ ഇൗ ​ക​ണ​ക്കു​ക​ൾ വ്യ​ക്​​ത​മാ​ക്കി​യ​ത്. ആ​ഗോ​ള ബി​സി​ന​സ്​ അ​ന്ത​രീ​ക്ഷം വെ​ല്ലു​വി​ളി​ക​ളു​ടെ അ​ന്ത​രീ​ക്ഷ​ത്തി​ൽ നി​ൽ​ക്കു​ന്ന ഇൗ ​സ​മ​യ​ത്തും ദു​കം സാ​മ്പ​ത്തി​ക മേ​ഖ​ല​യി​ൽ നി​ക്ഷേ​പം വ​ർ​ധി​ക്കു​ന്ന​ത്​ സ​ന്തോ​ഷ​മു​ണ്ടാ​ക്കു​ന്ന കാ​ര്യ​മാ​ണെ​ന്ന്​ ലേ​ഖ​ന​ത്തി​ൽ പ​റ​യു​ന്നു.വ​ർ​ധി​ച്ച നി​ക്ഷേ​പം അ​തോ​റി​റ്റി​ക്ക്​ പു​തി​യ വ​ർ​ഷ​ത്തി​ൽ മി​ക​ച്ച തു​ട​ക്ക​മാ​ണ്​ ന​ൽ​കു​ന്ന​ത്. ഇൗ ​വ​ർ​ഷം കൂ​ടു​ത​ൽ നേ​ട്ട​ങ്ങ​ൾ കൈ​വ​രി​ക്കാ​ൻ ക​ഴി​യു​മെ​ന്നും ദു​ക​മി​നെ പ്രാ​ദേ​ശി​ക-​ആ​ഗോ​ള നി​ക്ഷേ​പ​ങ്ങ​ളു​ടെ കേ​ന്ദ്ര​മാ​ക്കി മാ​റ്റാ​ൻ ക​ഴി​യു​മെ​ന്നാ​ണ്​ പ്ര​തീ​ക്ഷ​യെ​ന്നും ലേ​ഖ​ന​ത്തി​ൽ പ​റ​യു​ന്നു.

നി​ക്ഷേ​പം ആ​ക​ർ​ഷി​ക്കു​ന്ന​തി​നാ​യി ചൈ​ന, ദ​ക്ഷി​ണ​ കൊ​റി​യ, ഇ​ന്ത്യ, അ​മേ​രി​ക്ക തു​ട​ങ്ങി​യ ഇ​ട​ങ്ങ​ളി​ലാ​യി ന​ട​ത്തി​യ പ​രി​പാ​ടി​ക​ളി​ൽ ഇ​ത്​ സ്​​പ​ഷ്​​ട​മാ​യ​താ​ണ്. വ്യാ​പാ​ര-​നി​ക്ഷേ​പ സ​ഹ​ക​ര​ണം വ​ർ​ധി​പ്പി​ക്കു​ന്ന​തി​നാ​യി ഇൗ ​രാ​ജ്യ​ങ്ങ​ളി​ൽ ന​ട​ത്തി​യ ഉ​ഭ​യ​ക​ക്ഷി ​കൂ​ടി​ക്കാ​ഴ്​​ച​ക​ളി​ലും വ്യാ​പാ​ര കൂ​ട്ടാ​യ്​​മ​ക​ളു​ടെ പ്ര​തി​നി​ധി​ക​ളെ ഉ​ൾ​പ്പെ​ടു​ത്തി ന​ട​ത്തി​യ സെ​മി​നാ​റു​ക​ളി​ലും ഒ​മാ​നു​മാ​യു​ള്ള ന​ല്ല ബ​ന്ധ​ത്തി​ന്റെ ക​രു​ത​ൽ വ്യ​ക്​​ത​മാ​യി​രു​ന്നു. സു​ൽ​ത്താ​ൻ ഖാ​ബൂ​സ്​ ബി​ൻ സ​ഇൗ​ദ്​ ന​ട​പ്പാ​ക്കി​യ ന​യ​ങ്ങ​ളു​ടെ ഗു​ണ​ഫ​ല​മാ​ണി​ത്. നേ​ട്ട​ങ്ങ​ളു​ടെ നെ​റു​ക​യി​ലാ​ണ്​ പ്ര​ത്യേ​ക സാ​മ്പ​ത്തി​ക മേ​ഖ​ല അ​തോ​റി​റ്റി എ​ട്ടാം വാ​ർ​ഷി​കം ആ​ഘോ​ഷി​ച്ച​തെ​ന്നും ചെ​യ​ർ​മാ​ൻ പ​റ​ഞ്ഞു.