സൊഹാർ : സോഹാർ ബദറൽ സമ പൊളി ക്ലിനിക്കും ടക്കഫുൾ ചാരിറ്റബിൾ സോസൈറ്റിയും സംയുക്തമായി രക്ത ദാന ക്യാമ്പ് സംഘടിപ്പിച്ചു.രാവിലെ പത്ത് മണിക്ക് ആരംഭിച്ച ക്യാമ്പ് ഉച്ചയ്ക്ക് 2 മണിവരെ നീണ്ടു അറുപത്തി ഒന്ന് പേർ രക്തം ദാനം ചെയ്തു സോഹാർ ബദറൽ സമ പൊളി ക്ലിനിക്ക് അംഗണത്തിൽ ആയിരുന്നു ക്യാമ്പ്” രക്ത ദാനം ജീവ ദാനം ” എന്ന മഹത്തായ മുദ്രാവാക്യം ഉയർത്തി പിടിച്ചു ഈ പൊള്ളുന്ന ചൂടിലും നിരവധി പേർ രക്തദാനത്തിന് എത്തിച്ചേർന്നു എന്നത് സന്തോഷമുണ്ടാക്കുന്ന കാര്യമാണെന്ന് ബദറൽ സമ പൊളി ക്ലിനിക്ക് മാനേജർ മുഹമ്മദ്‌ സവാദ് പറഞ്ഞു.രക്തം ദാനം നടത്തിയവർക്ക് പൊളി ക്ലിനിക്കിൽ ഒരു വർഷത്തെ സൗജന്യ ഡോക്ടർ പരിശോധനയും അമ്പത് ശതമാനം കിഴിവിൽ സ്‌പെഷ്യലിസ്റ്റ് ഡോക്ടർമാരുടെ സേവനവും ഇരുപത്തി അഞ്ചു ശതമാനം കിഴിവിൽ ലാബ് പരിശോധനയും നടത്താമെന്നും ബദറൽ സമ പൊളിക്ലിനിക് സോണൽ മാർക്കറ്റിംങ്ങ് ഹെഡ് ഷെയ്ഖ് ബഷീർ പറഞ്ഞു. മാർക്കറ്റിംങ്ങ് പ്രധിനിധി ദിനേഷ് നേഴ്സിംഗ് ഇൻചാർജ് രശ്മി ബ്ലഡ് ബാങ്ക് പ്രധിനിധി അബ്ദുള്ള എന്നിവർ നേതൃത്വം നൽകി
