സേവ ഉത്സവ് 2022 ന്റെ ഭാഗമായി ഒമാനിലെ ഇന്ത്യൻ എംബസിയിൽ ഒമാൻ ആരോഗ്യ മന്ത്രാലയവുമായി സഹകരിച്ച് സംഘടിപ്പിച്ച മെഗാ രക്തദാന ക്യാമ്പ് മസ്‌ക്കറ്റ് മുൻസിപ്പാലിറ്റി ചെയർമാൻ അഹമ്മദ് മുഹമ്മദ് അൽ ഹുമൈദി ഉത്ഘാടനം ചെയ്തു .. ഒമാനിലെ ഇന്ത്യൻ സമൂഹത്തി‍െൻറ ക്രിയാത്മകമായ സംഭാവനകൾ ഉയർത്തിക്കാട്ടുന്നതിനാണ് ‘സേവനോത്സവത്തിന്’ കീഴിൽ സംഘടിപ്പിക്കുന്ന സേവന പ്രവർത്തനങ്ങളിലുടെ ലക്ഷ്യമിടുന്നതെന്ന് ഇന്ത്യൻ സ്ഥാനപതി അമിത് നാരങ് പറഞ്ഞു. ക്യാമ്പിന് വൻ സ്വീകാര്യതയാണ് ലഭിച്ചത് .. ഒമാന്റെ വിവിധ പ്രദേശങ്ങളിൽ നിന്നായി നൂറുകണക്കിന് പേരാണ് രക്‌തദാനത്തിനായി എംബസിയിൽ എത്തിച്ചർന്നിരുന്നത് .. റമദാൻ മാസത്തിൽ ഒമാ‍െൻറ ആരോഗ്യ സംവിധാനത്തിന് ഇത് ഉപയോഗപ്രദമായ സംഭാവനയായിരിക്കുമെന്ന് ക്യാമ്പ് ഉൽഘടനം ചെയ്തുകൊണ്ട് മസ്‌ക്കറ്റ് മുൻസിപ്പാലിറ്റി ചെയർമാൻ അഹമ്മദ് മുഹമ്മദ് അൽ ഹുമൈദി സൂചിപ്പിച്ചു …
