മനാമ: ബഹ്‌റൈനില്‍ വാഹനാപകടത്തില്‍ റോഡ് നിര്‍മ്മാണ തൊഴിലാളി മരിച്ചു . മറ്റ് സഹതൊഴിലാളികള്‍ക്ക് പരിക്കേറ്റു.കിങ് ഫഹദ് കോസ് വേയിലേക്ക് നീളുന്ന ബിലാദ് അല്‍ ഖദീമിന് സമീപമാണ് അപകടം നടന്നത്.ജോലി ചെയ്തുകൊണ്ടിരുന്ന റോഡ് നിര്‍മ്മാണ തൊഴിലാളികളിലേക്കും ഒരു പൊലീസ് വാഹനത്തിലേക്കും നിയന്ത്രണം വിട്ട വാഹനം ഇടിച്ചു കയറുകയാണ് ചെയ്തത്.ശൈഖ് ഇസ ബിന്‍ സല്‍മാന്‍ ഹൈവേയില്‍ റോഡ് പണിയിലേര്‍പ്പെട്ടിരുന്ന തൊഴിലാളികളുടെ നേര്‍ക്കാണ് വാഹനം പാഞ്ഞുകയറിയതെന്ന് ആഭ്യന്തര മന്ത്രാലയം അറിയിച്ചു. പരിക്കേറ്റവരെ ആശുപത്രിയില്‍ പ്രവേശിപ്പിച്ചു. അപകടത്തില്‍ പോലീസ് നിയമ നടപടികള്‍ ആരംഭിച്ചതായി അധികൃതർ വ്യക്തമാക്കി.
