വലിയ വാഹനങ്ങൾ റോഡിൽ ഇറങ്ങുന്നതുമായി ബന്ധപെട്ടു സമയക്രമം പുതുക്കി അബുദാബി പോലീസ്

അബുദാബി  : യുഎഇ തലസ്ഥാനമായ അബുദാബിയിൽ തിരക്കേറി സമയം ലോറികളും ബസ്സുകളും റോഡിൽ ഇറങ്ങുന്നത് ബന്ധപ്പെട്ട സമയക്രമം അബുദാബി പോലീസ് പുതുക്കി . അടുത്ത മാസം ഒന്നുമുതൽ എമിറേറ്റ്സിൽ പൊതുമേഖലയിലെ പ്രവർത്ത സമയം മാറുന്ന സാഹചര്യത്തിലാണ് പുതിയ തീരുമാനം അധികൃതർ കൈക്കൊണ്ടിരിക്കുന്നത് . ഇതനുസരിച്ച് തിങ്കൾ മുതൽ വെള്ളി വരെ രാവിലെ 6 30 മുതൽ 9 വരെയും വൈകിട്ട് മൂന്നു മുതൽ ആറുവരെയുമാണ് അബുദാബി നഗരത്തിൽ വിലക്ക് ഏർപ്പെടുത്തിയിരിക്കുന്നത് . എന്നാൽ അതേസമയം അലൈനിൽ ഇതേ ദിവസങ്ങളിൽ രാവിലെ 6 .30 മുതൽ 8. 30 വരെയും ഉച്ചയ്ക്ക് രണ്ട് മുതൽ നാലു വരെയുമാണ് ട്രക്കുകൾക്കും ബസ്സുകൾക്കും റോഡിൽ ഇറങ്ങുന്നതിനു വിലക്ക് ഏർപ്പെടുത്തിയിരിക്കുന്നത് . നിയമം ലംഘിക്കുന്നവർക്ക് ആയിരം ദിർഹം പിഴയും ലൈസൻസിൽ നാലു ബ്ലാക്ക് പോയിന്റ് ചുമത്തുമെന്നും അധികൃതർ അറിയിച്ചു