ദോഹ: എയർലൈൻ റേറ്റിങ്സിന്റെ എയർലൈൻ ഓഫ് ദി ഇയർ പുരസ്കാരം തുടർച്ചയായി രണ്ടാം തവണയും ഖത്തർ എയർവേസ് സ്വന്തമാക്കി. മിഡിൽ ഈസ്റ്റിലെ ഏറ്റവും മികച്ച എയർലൈൻ, മികച്ച ബിസിനസ് ക്ലാസ് എന്നീ ബഹുമതികളും ഖത്തറിന്റെ ഏക ഔദ്യോഗിക എയർലൈൻ കമ്പനിയെ തേടിയെത്തി. . യാത്രക്കാർക്ക് ഏറ്റവും മികച്ചതും സുരക്ഷിതവുമയി ആകാശയാത്ര ഉറപ്പാക്കുന്നതിനുള്ള അംഗീകാരമാണ് എയർലൈൻ റേറ്റിങ്സ് പുരസ്കാരങ്ങളെന്ന് ഖത്തർ എയർവേസ് അധികൃതർ വ്യക്തമാക്കി . എയർലൈൻ ഓഫ് ദി ഇയർ, മിഡ്ൽ ഈസ്റ്റിലെ ബെസ്റ്റ് എയർലൈൻ, ബെസ്റ്റ് ബിസിനസ് ക്ലാസ് പുരസ്കാരങ്ങൾ നേടാനായത് ഏറ്റവും മികച്ച ഓപ്പറേഷൻ നടത്തിയതിന്റെ ഭാഗമാണെന്നും അധികൃതർ വ്യക്തമാക്കി . ഏറെ പരിഷ്കാരങ്ങളോടെ നടപ്പാക്കിയ ബിസിനസ് ക്ലാസ് കാബിനായ ക്യൂ സ്യൂട്ട് വിമാനയാത്രക്കാക്കാരിൽ കൂടുതൽ ശ്രദ്ധ നേടിയിരുന്നു . ഫസ്റ്റ്ക്ലാസ് സൗകര്യവും അനുഭവവും നൽകുന്ന ബിസിനെസ്സ് ക്ലാസ് കാബിനാണ് ഖത്തർ എയർവേസിന്റെ ഏറ്റവും വലിയ സവിശേഷത.
