മനാമ : ബഹ്‌റിനിൽ 200 മില്ലി ലിറ്ററിൽ താഴെയുള്ള പ്ലാസ്റ്റിക് കുടിവെള്ള ബോട്ടിലുകൾക്ക് ഏർപ്പെടുത്തിയ നിരോധനം ജനുവരി ഒമ്പതിന് നിലവിൽവരും. വാണിജ്യ, വ്യവസായ, വിനോദ സഞ്ചാര മന്ത്രാലയമാണ് ഇക്കാര്യമറിയിച്ചത്.കഴിഞ്ഞവർഷം ജൂലൈ എട്ടിനാണ് നിരോധനം ഏർപ്പെടുത്തി ഉത്തരവ് പുറപ്പെടുവിച്ചത്.പരിസ്ഥിതി സംരക്ഷണം പ്ലാസ്റ്റിക് മാലിന്യം ഇല്ലാതാക്കുക തുടങ്ങി ലക്ഷ്യങ്ങളോടെ ആണ് നടപടി സ്വീകരിച്ചിരിക്കുന്നത് . 200 മില്ലി ലിറ്ററിൽ കുറവുള്ള പ്ലാസ്റ്റിക് കുടിവെള്ള ബോട്ടിലുകളുടെ ഉല്പാദനവും ഇറക്കുമതിയും വിതരണവും എട്ടോടെ നിരോധിച്ചതായി അധികൃതർ വ്യക്തമാക്കി
