ബഹ്റൈൻ : ഇന്ത്യൻ കമ്മ്യൂണിറ്റി വെൽഫെയർ അസോസിയേഷൻ – ഐസിആർഎഫ് ബഹ്റൈൻ വാർഷിക വേനൽക്കാല അവബോധ പരിപാടി – തേർസ്റ്റ് ക്വെഞ്ചേഴ്സ് 2025 തുടരുന്നു. കൊടും വേനലിൽ സുരക്ഷിതമായ തൊഴിൽ അന്തരീക്ഷം ഉറപ്പാക്കാനുള്ള തൊഴിൽ മന്ത്രാലയത്തിന്റെ മുൻകൈയുമായി ചേർന്ന്, ഇസ ടൗണിൽ ഉള്ള ഒരു കമ്പനിയുടെ ജോലിസ്ഥലത്ത് ഐസിആർഎഫ് ബഹ്റൈൻ വെള്ളം, ജ്യൂസ്, ലബാൻ, ഓറഞ്ച്, ആപ്പിൾ, വാഴപ്പഴം എന്നിവ വിതരണം ചെയ്തു. ഈ വർഷം ആഭ്യന്തര മന്ത്രാലയം, തൊഴിൽ മന്ത്രാലയം, എൽഎംആർഎ, ഐഒഎം എന്നിവയുടെ പിന്തുണയോടെയാണ് പരിപാടി നടക്കുന്നത്. ഏകദേശം 325 തൊഴിലാളികൾ പരിപാടിയിൽ പങ്കെടുത്തു.തൊഴിൽ മന്ത്രാലയത്തിലെ തൊഴിൽ സുരക്ഷ & ആരോഗ്യ പരിശോധനാ മേധാവി ശ്രീ ഹസൻ അൽ അരാദി, എൽഎംആർഎ പാർട്ണർഷിപ്പ് & ഔട്ട്റീച്ച് ഡയറക്ടർ മിസ്റ്റർ ഫഹദ് അൽ ബിനാലി എന്നിവർ വിതരണത്തിൽ പങ്കുചേർന്നു, ഓരോ സ്ഥാപനവും തൊഴിലാളികൾക്ക് നൽകുന്ന പിന്തുണയെക്കുറിച്ച് എല്ലാവരും സംസാരിച്ചു.ഐസിആർഎഫ് ചെയർമാൻ അഡ്വ. വി കെ തോമസ് ഐസിആർഎഫ് ബഹ്റിന്റെ തൊഴിലാളികളോടുള്ള പ്രതിബദ്ധതയെക്കുറിച്ച് സംസാരിച്ചു.വൈസ് ചെയർമാൻ പങ്കജ് നല്ലൂർ, ജോയിന്റ് സെക്രട്ടറി ജവാദ് പാഷ, തേർസ്റ്റ് ക്വഞ്ചേഴ്സ് കോർഡിനേറ്റർ സിറാജ്, ശിവകുമാർ, രാകേഷ് ശർമ്മ, ചെമ്പൻ ജലാൽ, കൽപ്പന പാട്ടീൽ, സാന്ദ്ര പാലണ്ണ, കൂടാതെ ഉത്സാഹഭരിതരായ വളണ്ടിയർമാരും വിദ്യാർത്ഥികളും വിതരണത്തിൽ പങ്കുചേർന്നു.മുൻ വർഷങ്ങളിലെന്നപോലെ, ബോറ സമൂഹവും ഉദാരമതികളായ വളണ്ടിയർമാരും ഈ പദ്ധതിക്ക് ശക്തമായ പിന്തുണ നൽകിയിട്ടുണ്ട്
