ബഹ്‌റൈൻ : ഇന്ത്യൻ ക്ലബ് എല്ലാ വർഷവും നടത്തി വരുന്ന മെയ് ക്യൂൻ സൗന്ദര്യ മത്സരം മെയ് 31 നു നടത്തുമെന്ന് ക്ലബ് ഭാരവാഹികൾ വാർത്ത സമ്മേളനത്തിൽ അറിയിച്ചു . 16 വയസു തികഞ്ഞതും അതിനു മുകളിൽ ഉള്ള സ്ത്രീകൾക്കാണ്‌ മത്സരത്തിൽ പങ്കെടുക്കുവാൻ സാധിക്കുന്നത് . വിവിധ രാജ്യങ്ങളിൽ ഉള്ളവർക്കും മത്സരത്തിൽ പങ്കെടുക്കാം . മത്സരത്തിൽ പങ്കെടുക്കുവാൻ രജിസ്റ്റർ ചെയ്തതിനു ശേഷം ഓഡിഷൻ കഴിഞ്ഞവരെ ആണ് മത്സരത്തിൽ അവസാന റൗണ്ടിൽ പങ്കെടുക്കാൻ സാധിക്കുന്നത് . മത്സരത്തിൽ പങ്കെടുക്കുന്നവർ മെയ് 12 ന് മുൻപ് രജിസ്റ്റർ ചെയ്യണം . പത്തു ദിനറാണ് രെജിസ്ട്രേഷൻ ഫീസായി ഈടാക്കുന്നത് വിവിധ റൗണ്ടുകളിൽ ഉള്ള മത്സര വിജയികൾക്ക് ക്യാഷ് പ്രൈസുകൾ നൽകും .കൂടുതൽ വിവരങ്ങൾക്ക് 3966 0475 , 3927 9570 എന്ന നമ്പറുകളിൽ ബന്ധപ്പെടാം . ഇന്ത്യൻ ക്ലബ് പ്രസിഡന്റ് കാഷ്യസ് പെരേര , ആക്ടിങ് ജനറൽ സെക്രട്ടറി പി ആർ ഗോപകുമാർ , ഈവന്റ്റ് ഡയറക്ടർ ടീന നെല്ലിക്കൻ , റെയ്‌സൺ വർഗീസ് , നന്ദകുമാർ എസ് എന്നിവർ വാർത്ത സമ്മേളനത്തിൽ പങ്കെടുത്തു.
