ബഹ്‌റൈൻ : പോളിമർ ക്ലെ ഉപയോഗിച്ച് 405 ൽ പരം രൂപങ്ങൾ തീർത്തു ക്ലെ മോഡലിംഗ് കുട്ടികളുടെ വിഭാഗത്തിൽ ഇന്ത്യ ബുക്ക്‌ ഓഫ് റെക്കോർഡ്സ്, ഏഷ്യ ബുക്ക്‌ ഓഫ് റെക്കോർഡ്സ്, ഇന്റർനാഷണൽ ബുക്ക്‌ ഓഫ് റെക്കോർഡ്സ് എന്നിവ സ്വന്തമാക്കി മികവ് തെളിയിച്ച കൊല്ലം സ്വദേശി എട്ടു വയസ്സുകാരി ആഫ്രിൻ അദ്‌നാൻ മർയമിനെ ബഹ്‌റൈൻ ഇന്ത്യൻ ഇസ്ലാഹി സെന്റർ അനുമോദിച്ചു.
ചടങ്ങിൽ വനിത വിഭാഗം കൺവീനർ ഇസ്മത് ജൻസീർ ഉപഹാരം സമർപ്പിച്ചു. കൂടുതൽ അംഗീകാരങ്ങൾ ആഫ്രിനെ തേടി വരട്ടെ എന്ന് അവർ അഭിപ്രാപ്പെട്ടു. കുട്ടികളുടെ ഇത്തരത്തിലുള്ള കലാ പരമായ കഴിവുകൾ കണ്ടെത്തി പരിപോഷിപ്പിച്ചെടുക്കേണ്ടതാണെന്നും അത് മനസ്സിലാക്കി ആഫ്രിന് ഉറച്ച പിന്തുണ നൽകിയ മാതാപിതാക്കളെ അഭിനന്ദിക്കുന്നതായും പ്രസിഡന്റ് ഹംസ മേപ്പാടി അഭിപ്രായപ്പെട്ടു.
ആഫ്രിന് കഴിവ് തെളിയിച്ച കുട്ടിയാണെന്നും ഇനിയും വലിയ അംഗീകാരങ്ങൾ തേടി വരട്ടെ എന്നും റെക്കോർഡുകൾ കരസ്ഥമാക്കിയതിൽ ഇന്ത്യൻ ഇസ്ലാഹി സെന്റർ മദ്രസ പൂർവ വിദ്യാർത്ഥിനി എന്ന നിലയിൽ നമുക്കും അഭിമാനിക്കാവുന്നതാണെന്നും സെക്രട്ടറി നൂറുദ്ധീൻ ഷാഫി അഭിപ്രായപ്പെട്ടു. ആഫ്രിന്റെ മികവിനെ അനുമോദിച്ചു കൊണ്ട് ആശംസകൾ അർപ്പിച്ചവരെല്ലാം സംസാരിച്ചു.അദ്‌നാൻ മറിയം ദമ്പതികളുടെ മകളാണ്.
