മനാമ: ബഹ്റൈൻ പ്രതിഭ സയൻസ് ക്ലബ് പുതിയതായി ആരംഭിച്ച Prathibha Sci Talk എന്ന ചാനലിന്റെ ഔദ്യോഗിക ഉദ്ഘാടനം പ്രതിഭ രക്ഷാധികാരി സമിതി അംഗവും ലോക കേരളസഭ അംഗവുമായ സി.വി. നാരായണൻ ഉദ്ഘാടനം ചെയ്തു. ലോക ശാസ്ത്ര ദിനമായ നവംബർ 10-ന് പ്രതിഭ സെൻ്ററിൽ വെച്ചാണ് ചാനൽ പ്രതിഭ സി ടോക്ക് യാഥാർത്ഥ്യമായത്. ലോകത്തിൽ നടക്കുന്ന എറ്റവും പുതിയ ശാസ്ത്ര കണ്ടുപിടുത്തങ്ങൾ, പുതിയ പ്രബന്ധങ്ങൾ എന്നിവ കുട്ടികൾ തന്നെ വിശകലനം ചെയ്ത് അവതരിപ്പിക്കുന്നതാണ് പ്രതിഭ സി ടാക്ക് ചാനലിൻ്റെ പ്രത്യേകത. ശാസ്ത്രബോധവും യുക്തിചിന്തയും മാനവികതയും ഉള്ള ഒരു സമൂഹത്തെ വാർത്തെടുക്കുക എന്നതാണ് ബഹ്റൈൻ പ്രതിഭയുടെ നേതൃത്വത്തിൽ ആരംഭിച്ച Prathibha Sci Talk ൻ്റെ ലക്ഷ്യം.സോഷ്യൽ മീഡിയ വഴിയാണ് പ്രേക്ഷകരിലേക്ക് ഈ ചാനൽ എത്തിച്ചേരുക എന്ന് സംഘാടകർ അറിയിച്ചു.
