മനാമ: ബഹ്റൈൻ പ്രതിഭ സ്വരലയ രാഘവൻ മാസ്റ്റർ ഗാനാജ്ഞലി “എങ്ങനെ നീ മറക്കും ” വെള്ളിയാഴ്ച വൈകുന്നേരം 5 മണിക്ക് കെ.സി.എ. ഹാളിൽ അരങ്ങേറും. രാഘവൻ മാസ്റ്ററുടെ പ്രിയ ശിഷ്യൻ വി.ടി.മുരളിയുടെ നേതൃത്വത്തിലാണ് ഗാനാജ്ഞലി അരങ്ങേറുക. പ്രതിഭ സ്വരലയ ഗായകർ ഉൾപ്പെടെ ബഹ്റൈനിലെ അറിയപ്പെടുന്ന ഗായിക ഗായകരും ഈ ലൈവ് ഗാനമേളയിൽ പങ്കെടുക്കുന്നുണ്ടെന്ന് സംഘാടക സമിതി ചെയർമാൻ പി.ശ്രീജിത്,കൺവീനർ ലിവിൻ കുമാർ , പ്രതിഭ ജനറൽ സെക്രട്ടറി പ്രദീപ് പതേരി, പ്രസിഡണ്ട് അഡ്വ: ജോയ് വെട്ടിയാടൻ എന്നിവർ അറിയിച്ചു.
