മനാമ: ബഹ്റൈൻ എയർപോർട്ടിൽ സന്ദർശക വിസയിൽ വന്ന് തിരിച്ചു പോകുന്നവരുടെ എണ്ണംകൂടിയ സാഹചര്യത്തിൽ ബഹ്റൈൻ എയർപോർട്ട് കമ്പനി സന്ദർശക വിസ നിബന്ധനകൾ കർശനമാക്കി.യാത്രക്കാർ പാലിക്കേണ്ട നിബന്ധനകൾഎന്തൊക്കെയെന്ന് വ്യക്തമാക്കി ഗൾഫ് എയർ ട്രാവൽ ഏജൻറുമാർക്ക് സർക്കുലർ നൽകി .നിബന്ധനകൾ പാലിക്കാതെ വിവിധ രാജ്യങ്ങളിൽനിന്നെത്തിയ നൂറിലധികം യാത്രക്കാരെ തിങ്കളാഴ്ച വിമാനത്താവളത്തിൽ നിന്ന്തിരിച്ചയച്ചു. പ്രധാനമായും പാലിക്കേണ്ട നിബന്ധനകൾ ബഹ്റൈനിൽ ഉപയോഗിക്കാൻ കഴിയുന്ന ക്രെഡിറ്റ് കാർഡ് അല്ലെങ്കിൽ താമസിക്കുന്ന ഓരോ ദിവസത്തിനും 50 ദിനാർ വീതം കൈവശമുണ്ടാകണം . കൂടാതെ ഹോട്ടൽ ബുക്കിങ് അല്ലെങ്കിൽ ബഹ്റൈനിലെ സ്പോൺസറുടെ താമസ സ്ഥലത്തിന്റെ രേഖ (ഇലക്ട്രിസിറ്റി ബിൽ, വാടകക്കരാർ) കവറിങ് ലെറ്റർ, സി.പി.ആർ റീഡർ കോപ്പി എന്നിവ സഹിതം വേണം.
റിട്ടേൺ ടിക്കറ്റാണ് സന്ദർശക വിസക്കാർ നിർബന്ധമായും പാലിക്കേണ്ട മറ്റൊരു നിബന്ധന. ഗൾഫ് എയറിന്റേതല്ല റിട്ടേൺ ടിക്കറ്റെങ്കിൽ ബഹ്റൈനിലെ എമിഗ്രേഷൻ പരിശോധനാ സമയത്ത് സാധുവായ ടിക്കറ്റ് നമ്പർ നൽകണം.
