മനാമ : ബഹ്‌റൈൻ കേരള നേറ്റീവ് ബോൾ ഫെഡറേഷന്റെ ആഭിമുഖ്യത്തിൽ നടത്തപ്പെടുന്ന മഹിമ ഇലക്ട്രിക്കൽസ് ഏവർ റോളിംഗ് ട്രോഫിക്കുവേണ്ടിയുള്ള ഒന്നാമത് ട്വന്റി 20 നാടൻ പന്ത് കളി മത്സരത്തിന്റെ സെമി ഫൈനൽ, ഫൈനൽ മത്സരങ്ങൾ സിഞ്ച് മൈതാനിയിൽ 01/04/2022 വെള്ളിയാഴ്ച്ച ഒരുമണിക്ക് ആരംഭിക്കും.
കോട്ടയം പ്രവാസി ഫോറം പ്രസിഡന്റ് ശ്രീ. ബോബി പാറയിൽ പതാക ഉയർത്തും. BKNBF പ്രസിഡന്റ് ശ്രീ. റെജി കുരുവിളയുടെ അദ്ധ്യക്ഷതയിൽ കൂടുന്ന സമാപന സമ്മേളനത്തിൽ BMC മാനേജിങ് ഡയറക്ടർ ശ്രീ. ഫ്രാൻസിസ് കൈത്താരത്തും, O I C C ദേശീയ ജനറൽ സെക്രട്ടറി ശ്രീ. രാജു കല്ലുമ്പുറവും ചേർന്ന് സമ്മാനദാനം നിർവ്വഹിക്കും.
ആദ്യ സെമി ഫൈനൽ മത്സരത്തിൽ തോട്ടയ്ക്കാട് ടീം മീനടം ടീമിനെയും , രണ്ടാം സെമി ഫൈനൽ മത്സരത്തിൽ കമ്പം മേട് ടീം പാറമ്പുഴ ടീമിനേയും നേരിടും. സെമി ഫൈനൽ മത്സരങ്ങളിൽ വിജയികളാകുന്ന ടീമുകൾ തമ്മിൽ അന്നേ ദിവസം 3 മണിക്ക് ഫൈനലിൽ ഏറ്റുമുട്ടും.
ട്വന്റി 20 ടൂർണമെന്റിലെ മികച്ച കളിക്കാരന് നെല്ലിക്കൽ വിജയൻ മെമ്മോറിയൽ ട്രോഫിയും, മികച്ച കാലടിക്കാരന് മുട്ടമ്പലം വിജയൻ മെമ്മോറിയൽ ട്രോഫിയും, മികച്ച പിടുത്തക്കാരന് മിന്നൽ തമ്പി മെമ്മോറിയൽ ട്രോഫിയും സമ്മാനിക്കുന്നതാണ് എന്ന് സംഘാടകർ അറിയിച്ചു.
