ബഹ്‌റൈൻ : നവംബർ 23 മുതൽ 27 നവംബർ 2021 വരെ ബഹ്‌റൈൻ കേരളീയ സമാജം ഡയമണ്ട് ജൂബിലി ഹാളിൽ നടക്കുന്ന “ബി കെ എസ് -ബഹ്‌റൈൻ ഇന്റർനാഷണൽ ചലഞ്ച് 2021″ ബാഡ്മിന്റൺ ടൂർണമെന്റിന്റെ ഔപചാരിക ഉദ്ഘാടനം നവംവർ 23 രാത്രി 7 .30 ന് ബഹുമാനപെട്ട ഇന്ത്യൻ സ്ഥാനപതി ഹിസ് എക്‌സലൻസി പിയുഷ് ശ്രീവാസ്തവ നിർവഹിക്കുമെന്ന് ബഹ്‌റൈൻ കേരളീയ സമാജം പ്രസിഡന്റ് ശ്രീ പി വി രാധാകൃഷ്ണ പിള്ള ആക്ടിങ് ജനറൽ സെക്രട്ടറി വർഗ്ഗീസ് ജോർജ്ജ് എന്നിവർ പത്രക്കുറിപ്പിൽ അറിയിച്ചു.
വിവിധ രാജ്യങ്ങളിൽ നിന്നുള്ള നിരവധി താരങ്ങളാണ് ബി കെ എസ് -ബഹ്‌റൈൻ ഇന്റർനാഷണൽ ചലഞ്ച് 2021” ബാഡ്മിന്റിൽ പങ്കെടുക്കുവാൻ എത്തിയിട്ടുള്ളത് എന്ന് സമാജം ഇൻഡോർ ഗെയിംസ് സെക്രട്ടറി ശ്രീ പോൾസൺ അറിയിച്ചു. എല്ലാ ബാഡ്മിന്റൺ പ്രേമികളെയും ബഹ്‌റൈൻ കേരളീയ സമാജത്തിലേക്ക് സ്വാഗതം ചെയ്യുന്നതായി സമാജം ഭരണസമിതി അറിയിച്ചു.
