മദ്യക്കച്ചവട തർക്കത്തിനിടെ മരിച്ച ഏഷ്യക്കാരന്റെ കുടുംബത്തിന് 2 ലക്ഷം ദിർഹം ദയാധനം

അബുദാബി :മദ്യക്കച്ചവട തർക്കത്തിൽ മരിച്ച ഏഷ്യക്കാരന്‍റെ കുടുംബത്തിന് 2 ലക്ഷം ദിർഹം ദയാധനം (ബ്ലഡ്മണി) നൽകാൻ സുപ്രീം കോടതി ഉത്തരവിട്ടു. കുറ്റക്കാരെന്നു കണ്ടെത്തിയ 2 പ്രതികളാണു തുക നൽകേണ്ടത്.അനധികൃതമായി മദ്യക്കച്ചവടം നടത്തിവന്ന 2 സംഘങ്ങൾ തമ്മിലെ തർക്കമാണ് കൊലപാതകത്തിൽ കലാശിച്ചത്. ഇയാളെ മർദിച്ചുക്കൊന്നു മുസഫ വ്യവസായ മേഖലയിൽ ആളൊഴിഞ്ഞ സ്ഥലത്ത് മൃതദേഹം ഉപേക്ഷിച്ചു.കൂടെയുള്ള മറ്റൊരാളെയും തല്ലിച്ചതച്ചെങ്കിലും ഗുരുതരമായ പരുക്കുകളോടെ രക്ഷപ്പെട്ടതാണ് സംഭവത്തിന്‍റെ സത്യാവസ്ഥ പുറംലോകം അറിഞ്ഞത്.