ദോഹ: ലണ്ടനിൽ നടക്കുന്ന ഫാൻബറോ രാജ്യാന്തര എയർഷോയിൽ ഖത്തറിലെ ലോകകപ്പ് മുദ്ര പതിപ്പിച്ച ബോയിങ് 777-300 ഇ.ആർ വിമാനം. മെറൂൺ നിറത്തിൽ ലോകകപ്പ് മുദ്ര പതിപ്പിച്ച ഖത്തർ എയർവേസ് വിമാനത്തിനൊപ്പം ലോകകപ്പ് ഔദ്യോഗിക പന്തായ അൽ രിഹ്ലയും പ്രദർശിപ്പിച്ചു.ഖത്തർ ആതിഥേയത്വം വഹിക്കുന്ന ഫിഫ ലോകകപ്പിനായി പ്രത്യേകമായി ഡിസൈന് ചെയ്തതാണ് വിമാനം. ലോകത്തിലെ ഏറ്റവും മികച്ച ബിസിനസ് ക്ലാസായ ക്യൂ-സ്യൂട്ട് ഉള്പ്പെടെയുള്ള സൗകര്യങ്ങളാണ് വിമാനത്തിലുള്ളത്. ലോകകപ്പ് ബ്രാന്ഡിങ് വിമാനം കൂടാതെ ബോയിങ് 787-9 ഡ്രീംലൈനറും ഖത്തർ എയർവെയ്‌സ് പ്രൈവറ്റ് ജെറ്റ് ചാർട്ടർ വിഭാഗത്തിന്റെ ആഡംബര ഗള്ഫ് സ്ട്രീം ജി 650 ഇ ആർ വിമാനവും ഖത്തർ എയർവെയ്‌സിൻറെ പാവനിയനിൽ പ്രദര്ശിപ്പിച്ചിട്ടുണ്ട്.
