മസ്കറ്റ് : ഒമാനിൽ വ്യാഴാഴ്ച കോവിഡ് 19 സ്ഥിരീകരിച്ചത് 636 പേർക്ക്. ഇതിൽ 291 പേർ വിദേശികളാണ്. ഇതാദ്യമായാണ് ഇത്രയധികം പേർക്ക് കോവിഡ് സ്ഥിരീകരിക്കുന്നത്. രാജ്യത്തെ മൊത്തം രോഗബാധിതർ 9009 ആയി. 2177 പേരാണ് ഇതിനോടകം ആശുപത്രി വിട്ടത്. രണ്ട് മലയാളികളടക്കം 40 പേർ ഇതുവരെ മരണപ്പെട്ടു. 6792പേരാണ് നിലവിൽ അസുഖ ബാധിതരായിട്ടുള്ളത്. പുതിയ രോഗികളിൽ 451പേരും മസ്കത്ത് ഗവർണറേറ്റിൽ നിന്നുള്ളവരാണ്. ഇതോടെ മസ്കത്ത് ഗവർണറേറ്റിലെ കോവിഡ് ബാധിതർ 6758 ആയി. ഇവിടെ 1154 പേർക്ക് അസുഖം സുഖപ്പെട്ടു.
