മലപ്പുറം: വേനലിന്റെ കൊടും ചൂടില്‍ ദാഹജലത്തിനായി നെട്ടോട്ടമോടുന്ന ജില്ലയിലെ വിവിധ പ്രദേശങ്ങളിലേക്ക് കുടിവെള്ളമെത്തിക്കാന്‍ സഹായവുമായി കെ.എം.സി.സി ദമ്മാം മലപ്പുറം ജില്ലാ കമ്മിറ്റി. 16 നിയോജക മണ്ഡലങ്ങളിലേക്കുള്ള കുടിവെള്ള പദ്ധതിയുടെ വിതരണോത്ഘാടനം മുസ്ലിംലീഗ് ജില്ലാ പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍ വേങ്ങരയില്‍ നിർവഹിച്ചു. പൊതുപ്രവർത്തനത്തിന് മുനുഷ്യത്വ മുഖം നല്കി്യ രാജ്യത്തെ ഏറ്റവും വലിയ സാമൂഹിക പ്രസ്ഥാനമാണ് കെ.എം.സി.സിയെന്ന് തങ്ങള്‍ അഭിപ്രായപ്പെട്ടു. തുല്യതയില്ലാത്ത ജീവകാരണ്യ സേവന പ്രവർത്തനങ്ങളാണ് ഒരോ ദിവസവും കെ.എം.സി.സിയുടെ നേതൃത്വത്തില്‍ ലോകത്തിന്റെ വിവിധ ഭാഗങ്ങളില്‍ നടക്കുന്നത്.രാജ്യത്തിന്റെ ഏതെങ്കിലും ഒരു കോണിൽ കെഎംസിസി യുടേതായി ഒരു പരിപാടിയെങ്കിലും ഇല്ലാത്ത ഒരു ദിവസം പോലും കടന്നു പോയിട്ടുണ്ടാകില്ല.അത് കൊണ്ടു തന്നെ ആപ്രവർത്തനങ്ങള്‍ വാക്കുകളൾ കൊണ്ടോ, ലേഖനമെഴുതിയോ തീരർക്കാന്‍ കഴിയില്ല. കേരള ജനത അത്രമേല്‍ കടപ്പെട്ട ഒരു വിഭാഗമാണ് കെ.എം.സി.സി. ജാതിയും മതവും നോക്കാതെ നിരവധി കാരുണ്യ പ്രവർത്തനങ്ങളാണ് പ്രവാസ ലോകത്ത് നിന്നും ഇവരുടെ നേതൃത്വത്തില്‍ നടന്നത്. വെറുപ്പിന്റെയും വിദ്വേശത്തിന്റെയും ഈ കാലത്ത് മനുഷ്യ സ്‌നേഹത്തിന്റെയും സാഹോദര്യത്തിന്റെയും രാഷ്ട്രീയമാണ് രാജ്യം ആവശ്യപ്പെടുന്നത്. അത് സമൂഹത്തിന് പകർന്നു നല്കുന്നതില്‍ മുസ്്‌ലിംലീഗും പോഷക സംഘനയായ കെ.എം.സി.സിയും വിജയച്ചതായും തങ്ങള്‍ പറഞ്ഞു. ദമ്മാം മലപ്പുറം ജില്ലാ കമ്മിറ്റി നടപ്പാക്കുന്ന ഈ കുടിവെള്ള പദ്ധതി മാതൃകാപരമാണെന്നും തങ്ങള്‍ കൂട്ടിച്ചേർത്തു.കുടിവെള്ള വിതരണവുമായി ബന്ധപ്പെട്ട് മലപ്പുറം ജില്ലയിലെ പതിനാറ് നിയോജക മണ്ഡലങ്ങളിലും ഈ പദ്ധതിയുടെ ഭാഗമായി വിവിധങ്ങളായ പദ്ധതികൾ സൗജന്യമായിപൂർത്തീകരിക്കപ്പെടുകയാണ്.
രൂക്ഷമായ കുടിവെള്ള ക്ഷാമം നേരിടുന്ന പ്രദേശങ്ങളെ മുൻനിർത്തി സൗജന്യ കുടിവെള്ള പദ്ധതികളുടെ പൂർത്തീകരണം, കിണർ നിർമ്മാണം, കുഴൽ കിണർ പൂർത്തീകരണം, ശോചനീയാവസ്ഥയിൽ നടന്ന് കൊണ്ടിരിക്കുന്ന വിവിധ കുടിവെള്ള പദ്ധതികളുടെ പുനരുദ്ധാരണം, പമ്പ്സെറ്റ് വിതരണം, പൈപ്പ് ലൈൻ പുനരുദ്ധാരണം, പൈപ്പ് ലൈൻ പൂർത്തീകരണം, മലപ്പുറം ജില്ലയിലെ വിവിധ പ്രദേശങ്ങളിലെ സി.എച് സെൻ്ററുകൾ, ശിഹാബ് തങ്ങൾ ഡയാലിസിസ് സെൻ്ററുകൾ, ശിഹാബ് തങ്ങൾ ചാരിറ്റബിൾ ട്രസ്റ്റ്, വിവിധ ആതുരാലയങ്ങൾ, ജന സേവന കേന്ദ്രങ്ങൾ, തുടങ്ങിയിടങ്ങളിൽ വാട്ടർ കൂളറുകളുടെ പൂർത്തീകരണം തുടങ്ങിയ വിവിധ പ്രവർത്തനങ്ങൾ ഈ ബ്രഹത് പദ്ധതിയുടെ ഭാഗമായി നടക്കും. . ജില്ലാ കെഎംസിസി സെക്രട്ടറി ഇഖ്‌ബാൽ ആനമങ്ങാടിന് പെരിന്തൽമണ്ണ മണ്ഡലത്തിനുള്ള വിഹിതം കൈമാറിയാണ് തങ്ങൾ ഉത്ഘാടനം നിർവ്വഹിച്ചത്.
ദമ്മാം മലപ്പുറം ജില്ലാ കെ.എം.സി.സി പ്രസിഡന്റ് കെ.പി ഹുസൈന്‍ അധ്യക്ഷത വഹിച്ചു. അബ്ദുസമദ് പൂക്കോട്ടൂര്‍ മുഖ്യപ്രഭാഷണം നടത്തി. സൗദി കെഎംസിസി നാഷണൽ കമ്മിറ്റി നേതാക്കളായ എ.പി. ഇബ്രാഹീം മുഹമ്മദ്, ഖാദര്‍ ചെങ്കള തുടങ്ങിയവരും ടി.പി.എം.ബഷീർ, എ.പി. ഉണ്ണികൃഷ്ണന്‍, എ.എം കുട്ടി മൗലവി, പി.കെ അസ്‌ലു, ആലികുട്ടി ഒളവട്ടൂര്‍,സലീമ ടീച്ചര്‍, ഹസീന ഫസല്‍, റവാസ് ആട്ടീരി, ശംസു പുള്ളാട്ട്, ബഷീര്‍ മൂന്നിയൂര്‍, ഹഖ് തിരൂരങ്ങാടി, വി.പി മുസ്തഫ, മഹമൂദ് പൂക്കാട് എന്നിവരും പ്രസംഗിച്ചു.
പീടി റസാഖ് ,മുഹമ്മദ് കുട്ടി തീരുർ, മായിൻ ഹാജി, സമദ് വേങ്ങര, സക്കരിയ്യ കക്കാടം പുറം, മനാഫ് പി.പി.താനൂർ ,പൂക്കോയ തങ്ങൾ തിരൂർ,റിയാസ് മമ്പാട് ,മുഹമ്മദ് അലി മാസ്റ്റർ നിലമ്പുർ,അഷ്‌റഫ് തിരുരങ്ങാടി,സലാം താനാളൂർ,അലവി മഞ്ചേരി,മുഷ്താഖ് കൂട്ടിലങ്ങാടി,നൗഫൽ കോഴിച്ചെന, എന്നീ നേതാക്കൾ വിവിധ മണ്ഡലങ്ങൾക്കുള്ള ഫണ്ട് കൈമാറി. മാസ്റ്റർ നാജിം ഇഖ്ബാലിന്റെ ഖിറാഅത്തോടെ ആരംഭിച്ച പരിപാടിക്ക് ജില്ലാ കെഎംസിസി ട്രഷറർ ജൗഹർ കുനിയിൽ സ്വാഗതവും, വൈസ് പ്രസിഡണ്ട് മുഹമ്മദ് അലി കോട്ടക്കൽ നന്ദിയും പറഞ്ഞു.
