ദമ്മാം: പട്ടാമ്പി കൂട്ടായ്മ ദമ്മാം ചാപ്റ്റർ 2022-2023 വർഷത്തേക്കുള്ള മെമ്പർഷിപ്പ് കാർഡ് വിതരണത്തിന് തുടക്കം കുറിച്ചു. ബദർ അൽ റാബി ഹാളിൽ നടന്ന ചടങ്ങ് പ്രമുഖ ജീവ കാരുണ്യ പ്രവർത്തകനായ നാസ് വക്കം ഉദ്ഘാടനം ചെയ്തു. നാസ് വക്കം , സാജിദ് ആറാട്ടുപുഴ, മുജീബ് കളത്തിൽ എന്നിവർ ചേർന്ന് അഡ്വൈസറി ബോർഡ് അംഗം സക്കീർ പറമ്പിലിന് കാർഡ് കൈമാറി വിതരണ ഉത്ഘാടനം നടത്തി. പ്രമുഖ മാധ്യപ്രവർത്തകൻ സാജിദ് ആറാട്ടുപുഴ മുഖ്യ പ്രഭാഷണം നടത്തി. വർത്തമാനകാലത്തെ ഏറ്റവും വലിയ ദുരന്തമെന്നത് മനുഷ്യർക്ക് പരസ്പരമുള്ള സ്നേഹം കൈമാറ്റം ചെയ്യുവാൻ സാധിക്കാത്തതാണെന്നും അതിനു മാറ്റം വരുത്താൻ ഇതുപോലെയുള്ള കൂട്ടായ്മകൾക്ക് കഴിയട്ടേയെന്നും അദ്ദേഹം പറഞ്ഞു.
ചടങ്ങിൽ അഡ്വൈസറി ബോർഡ് അംഗം സക്കീർ പറമ്പിൽ കൂട്ടായ്മയുടെ രൂപീകരണ ലക്ഷ്യവും ദൗത്യവും പ്രവർത്തന റിപ്പോർട്ട് അവതരിപ്പിച്ച് കൊണ്ട് വിശദീകരിച്ചു. ഗായകർ സിസാർ പട്ടാമ്പി, അബ്ദുറഹിമാൻ മഞ്ഞളുങ്ങൾ, സൈനുദ്ധീൻ കണ്ണന്നൂർ എന്നിവർ ഗാനമാലപിച്ച ചടങ്ങിന് മമ്മുട്ടി കാരക്കാട്, സഫ്‌വാൻ വിളയൂർ, നൗഷാദ് ഗ്രീൻപാർക്ക്, ജംഷിദ് കൈപ്പുറം , നിദാഷ്‌ മൊയ്‌തീൻ എന്നിവർ നേതൃത്വം നൽകി.
പ്രസിഡന്റ് റിയാസ് പട്ടാമ്പി അധ്യക്ഷത വഹിച്ച ചടങ്ങിൽ സെക്രട്ടറി ഷാഫി പരുവാരത്ത് സ്വാഗതവും ട്രെഷറർ ഷബീർ കൊപ്പം നന്ദിയും പറഞ്ഞു.
