ബഹ്റൈൻ :ക്രഡിമാക്സും ലുലു ഹൈപ്പർ മാർക്കറ്റുമായി സഹകരിച്ച് ക്രെഡിമാക്സ് ‘ദാനാത്’ എന്നപേരിൽ ക്രെഡിറ്റ് കാർഡ് പുറത്തിറക്കി.ഇത് സംബന്ധിച്ചു ക്രെഡിമാക്സ് ചീഫ് എക്സിക്യൂട്ടിവ് അഹ്മദ് എ. സെയാദിയും ലുലു ഗ്രൂപ് ഡയറക്ടർ ജുസെർ രൂപവാലയും കരാറിൽ ഒപ്പുവച്ചു .കാർഡുപയോഗിച്ച് ലുലുവിൽനിന്ന് സാധനങ്ങൾവാങ്ങുബോൾ രണ്ട് ശതമാനം കാഷ് ബാക്ക് ഉപഭോക്താവിന് ലഭിക്കും.കാർഡ് ഉടമകൾക്കായി റിവാർഡുകളും പ്രത്യേക ആനുകൂല്യങ്ങളും കാഷ് ബാക്ക് ഡിസ്കൗണ്ടുകളും റമദാനിലും തുടർന്നും ലഭിക്കും. രാജ്യത്തിന് പുറത്തും കാർഡ് ഉടമകൾക്ക് ആനുകൂല്യങ്ങൾ ലഭിക്കും .കാർഡുടമകൾക്ക് 24 മണിക്കൂറും ഓൺ ലൈൻ ബാങ്കിങ് സേവനം , ടെലിബാങ്കിങ്, കസ്റ്റമർ സർവിസ് എന്നിവയും ലഭ്യമാകുമെന്നും ലോകമെങ്ങും കാർഡ് സ്വീകരിക്കുമെന്നും അധികൃതർ അറിയിച്ചു .