മനാമ. ദാറുൽ ഈമാൻ കേരള വിഭാഗം മദ്റസകൾ വെള്ളിയാഴ്ച മുതൽ പ്രവർത്തനമാരംഭിക്കുമെന്ന് വിദ്യാഭ്യാസ വകുപ്പ് സെക്രട്ടറി എം.എം സുബൈർ അറിയിച്ചു. മനാമ ഇബ്നുൽ ഹൈതം പഴയ കാമ്പസിലും വെസ്റ്റ് റിഫ പ്രോട്ടോകോൾ ഓഫിസിന് സമീപമുള്ള ദിശ സെന്‍ററിലുമാണ് മദ്റസകൾ പ്രവർത്തിക്കുന്നത്. ബഹ്‌റൈനിലെ വിവിധ ഏരിയകളിൽ നിന്ന് വാഹന സൗകര്യവും ഏർപ്പെടുത്തിയിട്ടുണ്ട്. വെള്ളി രാവിലെ 8.00 മുതൽ 11 വരെയും, ശനി വൈകീട്ട് 4.00 മുതൽ 7.30 വരെയുമാണ് മദ്റസകളുടെ പ്രവൃത്തി സമയം. ബേസിക് തലം മുതൽ ഒമ്പതാം തരം വരെയുള്ള ക്ലാസുകളിലേക്ക് ഏതാനും വിദ്യാർഥികൾക്കുകൂടി പ്രവേശനം നൽകുന്നു. അഡ്മിഷനും കൂടുതൽ വിവരങ്ങൾക്കും 36513453, 34026136 എന്നീ നമ്പറുകളിൽ ബന്ധപ്പെടാവുന്നതാണ്.
