സോഹാർ :കൈരളി സോഹാർ ടൌൺ യൂണിറ്റിന്റെ ഈ വർഷത്തെ
ഈദ് – ഓണാഘോഷം സെപ്റ്റംബർ 29 വെള്ളിയാഴ്ച സോഹാറിലെ അൽ അമീറാ പാലസ് ഓഡിറ്റോറിയത്തിൽ വെച്ച് നടത്തപ്പെടുന്നു.രാവിലെ 10 മണിക്ക് പായസമത്സരത്തോട് കൂടി ആരംഭിച്ചു, ഉൽഘാടന സമ്മേളനം,സോഹാറിലെ പൊതുമണ്ഡലത്തിലെ വിശിഷ്ട വ്യക്തികളെ ആദരിക്കൽ തുടർന്ന് ഓണസദ്യ(കൈരളി കുടുംബ അംഗങ്ങൾക്കും, ക്ഷണിക്കപ്പെട്ട അതിഥികൾക്കും )വടം വലി, കലാ കായിക മത്സരങ്ങൾ എന്നിവ നടത്തപ്പെടുന്നു .
വൈകുന്നേരം 6.30 ന് ആരംഭിക്കുന്ന ‘മ്യൂസിക്കൽ ഫിയസ്റ്റ ‘യിൽ വിവിധ തരത്തിലുള്ള കലാ, സംഗീത നൃത്ത പരിപാടികൾ അരങ്ങേറും മുൻവർഷങ്ങളിൽ നിന്ന് വ്യത്യസ്തമായി നടത്തുന്ന മ്യൂസിക്കൽ ഫിയസ്റ്റ പരിപാടിയിൽ പങ്കെടുക്കുന്നതിനു സോഹാറിലെ മലയാളി സമൂഹത്തിൽ നിന്ന് മികച്ച പ്രതികരണം ആണ് ലഭിക്കുന്നതെന്നു സംഘടക സമിതി സെക്രട്ടറി മുരളി കൃഷ്ണനും പ്രോഗ്രാം കൺവീനർ ജി. ഹരികുമാറും അറിയിച്ചു
