ദമാം: സൗദി ദമ്മാമിലെ പ്രമുഖ ഫുട്ബോൾ ക്ലബ് ഇ എം എഫ് റാക്കയുടെ പുതിയ വർഷത്തേക്കുള്ള ജേഴ്സി പ്രകാശനം ചെയ്തു. അല്‍ കോബാര്‍ വെല്‍ ക്കം റെസ്റ്റാറന്‍റ് ഓഡിറ്റോറിയത്തില്‍ വെച്ച് നടന്ന ചടങ്ങില്‍ ടീമിന്‍റെ സ്പോണ്സര്‍ അസര്‍ അല്‍ അന്ഷാത് സ്ക്രാപ് കമ്പനി സി ഇ ഒ ആന്‍റ് എം ഡി ലുത്ഫുര്‍ റഹ് മാന്‍ ടീമിന്‍റെ പുതിയ ജേഴ്സി കിറ്റ് നവാസ് തൃപ്പനച്ചി, റാഫി എടവണ്ണപ്പാറ നൗഫൽ അലീമ എന്നിവർക്ക് നൽകിയാണ്‌ പ്രകാശനം നിർവഹിച്ചത്. ചടങ്ങിൽ ഷിപോണ്‍ (ബി.പി.എന്‍), ഡിഫ പ്രസിഡന്‍റ് മുജീബ് കളത്തിൽ, ക്ലബ് ചെയര്മാൻ സലാം വർക്കല എന്നിവർ മുഖ്യാതിഥികളായിരുന്നു. ഇ എം എഫ് പ്രസിഡന്‍റ് നൗഫൽ പരി അധ്യക്ഷത് വഹിച്ച ചടങ്ങിൽ, ക്ലബ് സെക്രട്ടറി റിയാസ് ചെറുവാടി സ്വാഗതം പറഞ്ഞു. ഇ എം എഫ് ഭാരവാഹികളായ റഷീദ് ചേന്ദമംഗലൂർ, അംജദ് പുത്തൂർ മഠം, അൻവർ വാഴക്കാട് എന്നിവർ പരിപാടിക്ക് നേതൃത്വം നൽകി.
