മനാമ: 26 വർഷത്തെ പ്രവാസ ജീവിതം മതിയാക്കി നാട്ടിലേക്ക് തിരിച്ചു പോകുന്ന മാഹി സ്വദേശി രാജീവ് ബാബുവിന് മയ്യഴിക്കൂട്ടം യാത്രയയപ്പ് നൽകി.മനാമയിൽ ചേർന്ന യോഗത്തിൽ മുജീബ് മാഹി സ്വാഗതം പറഞ്ഞു.സംഘടനയിലെ മുതിർന്ന അംഗം റഷീദ് പി.പി. അദ്ധ്യക്ഷത വഹിച്ചു. മാഹിഅസോസിയേഷൻ മെമ്പർ എന്ന നിലയിൽ ബാബു നൽകിയ സേവനങ്ങൾ തികച്ചും ശ്ലാഘനീയമാണെന്ന് അദ്ദേഹം ചൂണ്ടിക്കാട്ടി.താഹിർ വി.സി., മുഹമ്മദ് റിജാസ്, വി.സി. നിയാസ്, ഷബീർ മാഹി, ഷംസുദീൻ വി.പി., അഫ്‌താബ്‌ ടി.പി. എന്നിവർ പരിപാടികൾക്ക് നേതൃത്വം നൽകി.റഷീദ് മാഹി, എ.എം. നസീർ, സഫർ റഷീദ്, എന്നിവർ തികഞ്ഞ ഒരു കായികപ്രേമിയായ രാജീവ് ബാബുവിന്റെ പ്രവർത്തനങ്ങൾ തങ്ങളുടെ ആശംസ പ്രസംഗത്തിൽ അനുസ്മരിച്ചു. അബ്ദുൽ നിസാർ, ജെംഷീർ, സമീർ പി.പി., ശബാബ് കാത്താണ്ടി, റഹീസ് പി.വി., താലിബ് ജാഫർ, റെൻഫീർ, നഹാസ് പനങ്ങാട്ട്, റാഖിബ് എന്നിവർ പരിപാടികൾ നിയന്ത്രിച്ചു.കൂട്ടായ്മയുടെ ഉപഹാരം പി.പി. റഷീദ് ബാബുവിന് കൈമാറി.രാജീവ് ബാബു മറുപടി പ്രസംഗം നിർവഹിച്ചു.
