മനാമ: പ്രമുഖ ട്രാവൽ ആന്‍റ് ടൂർസ് സ്ഥാപനമായ ഫ്ലൈയിംഗോ ബഹ്റൈനിലും ചുവടുറപ്പിക്കുന്നു. സൗദി അറേബ്യ, യു എ ഇ, ഇന്ത്യ എന്നിവിടങ്ങളിലായി പ്രവർത്തിക്കുന്ന ഫ്ലൈയിംഗോ ട്രാവൽ ആന്‍റ് ടൂർസിന്റെ ബഹ്റൈനിലെ ആദ്യശാഖ ഡിസംബർ രണ്ടിന് വൈകിട്ട് അഞ്ച് മണിക്ക് ഗുദൈബിയയിൽ ഉദ്ഘാടനം ചെയ്യും. സുബാറ റോഡിലെ അവാൽ സ്ട്രീറ്റിലാണ് സ്ഥാപനം പ്രവർത്തിക്കുക. ബഹുമാന്യനായ ലോക കേരള സഭാഗം സൂരജ് എൻ.കെ സ്ഥാപനത്തിന്‍റെ ഉദ്ഘാടനം നിർവഹിക്കും. പ്രശസ്ത സിനിമാ താരങ്ങളായ അനാർക്കലി മരക്കാറും ദീപക് പറമ്പോലും ഉദ്ഘാടനച്ചടങ്ങിൽ പങ്കെടുക്കും. ജംഷീദ് മഞ്ചേരി, ഗ്രാന്‍റ് സ്യൂട്ട് സി.ഇ.ഒ ജോയ് കളത്തിൽ, അട്ടാസ് ഗ്രൂപ്പ് സി.ഇ.ഒ അബ്ദുറഹ്മാൻ അൽ അട്ടാസ് എന്നിവർ മുഖ്യാതിഥികളായിരിക്കും.
നാല് വർഷമായി ട്രാവൽ ആന്‍റ് ടൂർസ് മേഖലയിൽ അർപ്പണബോധത്തോടെ സേവനങ്ങൾ നൽകി വരുന്ന പ്രമുഖ സ്ഥാപനമാണ് ഫ്ലൈയിംഗോ. എയർ ടിക്കറ്റ്, വിസ സർവീസ്, ട്രാവൽ ഇൻഷുറൻസ്, ഹോട്ടൽ ബുക്കിംഗ്, അവധിക്കാല പാക്കേജുകൾ, ട്രാൻസ്പോർട്ട് സർവീസുകൾ എന്നീ സേവനങ്ങൾ ഫ്ലയിംഗോ ട്രാവൽ ആന്‍റ് ടൂർസിലൂടെ ലഭ്യമാവും. കൂടാതെ ഉദ്ഘാടനത്തോടനുബന്ധിച്ച് കൊച്ചിയിൽ നിന്ന് ബഹ്റൈനിലേക്ക് യാത്ര ചെയ്യുന്നവർക്ക് ഇൻഡികോ ഡയറകട് ഫ്ലൈറ്റിൽ 45 ദിനാറിന് ടിക്കറ്റ് ലഭിക്കും. ഡിസംബർ രണ്ട്, മൂന്ന്, ആറ്, പത്ത് തിയ്യതികളിലായിരിക്കും ഈ ഓഫർ ലഭ്യമാവുക.അട്ടാസ് ഗ്രൂപ്പ് സി.ഇ.ഒ അബ്ദുറഹ്മാൻ അൽ അട്ടാസ്, ഫ്ലൈയിംഗോ മാനേജിങ് ഡയറക്ടർ മുഹമ്മദ് സാബിത് കൂരാച്ചുണ്ട് രാകേഷ് എം.കെ (ഡയറക്ടർ ആർ.വി.സി.സി, അബ്ദുറഹ്മാൻ അൽ അത്താദ് (ജി.എം. ഫ്ലൈയിംഗോ കെ.എസ്. എ, വികേഷ് പി. (ആർ.വി. സി.സി, അൻഷാദ് കരുവഞ്ചാൽ (ഫ്ലൈയിംഗോ കോർഡിനേറ്റർ ഇന്ത്യ) , എന്നിവരും സിനിമാ താരങ്ങള അനാർക്കലി മരയ്ക്കാർ , ദീപക് പറമ്പോൽ,ജംഷീർ മഞ്ചേരി എന്നിവരും പത്ര സമ്മേളനത്തിൽ പങ്കെടുത്തു.
