ജി സി സി യിലെ ഗോള്‍ഡ് ബുള്ള്യന്‍, ഹോള്‍ സെയില്‍ ജ്വല്ലറി രംഗത്തെ പ്രമുഖ സ്ഥാപനമായ റിസാന്‍ ജ്വല്ലറിയുടെ ഒമാനിലെ രണ്ടാമത്തെ ബ്രാഞ്ച് റൂവിയില്‍ പ്രവര്‍ത്തനമാരംഭിച്ചു.
ഒമാനിലെ പ്രമുഖ വ്യക്തിത്യമായ ശൈഖ് ഇസ്സ ബിൻ സാലഹ് ബിൻ സാലിം അൽ ഖറൂസി ആണ് ഉദ്ഘാടനം നിര്‍വഹിച്ചത്. റിസാന്‍ ഗ്രൂപ് ചെയര്‍മാനും മാനേജിംഗ് ഡയറക്ടറുമായ ഷനൂബ് പി.പി, റിസാന്‍ ഗ്രൂപ് ഡയറക്ടർ സിദ്ധീഖ് കൊപ്പത്ത്‌, ബിസിനസ് പ്രമുഖനായ അലി ഖലീഫ മുഹമ്മദ് അൽ ബലുഷി, ഗ്രൂപ്പ് ഫിനാന്‍ഷ്യല്‍ കണ്‍സള്‍ട്ടന്റും ഫിഫ്ത് സ്ട്രാറ്റജി സിഇഒയുമായ ഷഹീന്‍ അലി, കെയ്‌സാന്‍ ഗ്രൂപ് ഓപറേഷന്‍സ് ഡയറക്ടര്‍ ലത്തീഫ് ചോലപ്പിലാക്കല്‍, റിസാന്‍ ഗ്രൂപ് ഓപറേഷന്‍സ് ഡയറക്ടര്‍ ഖ്യജ മസ്ഹറുദ്ധീൻ, ജനറൽ മാനേജർ മുഹമ്മദ് ആഷിക്, കെയ്‌സാന്‍ ഗ്രൂപ് എക്‌സിക്യൂട്ടീവ് ഡയറക്ടര്‍ സക്കീര്‍ ഹുസൈന്‍, കിമിയ ഇൻറർനാഷനൽ ഡയറക്ടര്‍ ജിയാദ് തുടങ്ങിയവരും, മറ്റു പ്രമുഖരും ഉദ്ഘാടന ചടങ്ങില്‍ സംബന്ധിച്ചു. റിസാന്‍ ജ്വല്ലറിയുടെ ഒമാനിലെ രണ്ടാമത്തെ ബ്രാഞ്ചാണിത്. ആദ്യ ശാഖ മത്‌റയിലാണ് പ്രവര്‍ത്തിക്കുന്നത്. ബുള്ള്യന്‍ വ്യാപാരം, ഗോള്‍ഡ് ബാറുകള്‍, കോയിനുകള്‍ എന്നിവയിലും, 18, 21, 22 കാരറ്റ് ഹോള്‍ സെയില്‍ ജ്വല്ലറി വിഭാഗങ്ങളിലായാണ് റിസാന്‍ ജ്വല്ലറി പ്രവര്‍ത്തിച്ചു വരുന്നത്.
