ഖത്തർ : യുഎഇയ്ക്ക് പുറമെ ഇപ്പോൾ ഖത്തറും യുപിഐ ആപ്ലിക്കേഷൻ വഴിയുള്ള പണമിടപാടിന് സൗകര്യമൊരുങ്ങുന്നു. ഖത്തറിലെ പ്രമുഖ ബാങ്കായ ഖത്തര്‍ നാഷനൽ ബാങ്കാണ് ഇടപാടുകൾ നടത്തുന്നത് . ക്യൂആര്‍ കോഡ് ഉപയോഗിച്ച് പണമിടപാട് ന‌ടത്താവുന്നതാണ്. യുപിഐ സംവിധാനമൊരുക്കുന്നതിനായി ഖത്തര്‍ നാഷനല്‍ ബാങ്കും എന്‍പിസിഐ (നാഷനൽ പേയ്മെന്റ്സ് കോർപറേഷൻ ഓഫ് ഇന്ത്യ) ഇന്റര്‍നാഷണല്‍ പേയ്മെന്റ് ലിമിറ്റഡും തമ്മില്‍ ഇതു സംബന്ധിച്ച ധാരണയിലെത്തിയിട്ടുണ്ട് . ഇതനുസരിച്ചു ഖത്തറിൽ ക്യുആർ കോഡ് ഉപയോഗിച്ച് പണം ഇടപാട് നടത്തുന്നവരുടെ ഇന്ത്യൻ ബാങ്ക് അക്കൗണ്ടിൽ നിന്ന് പണം നല്‍കാനാകും. .റീട്ടെയില്‍ ഷോപ്പുകള്‍, റസ്റ്ററന്റുകൾ, ടൂറിസ്റ്റ് കേന്ദ്രങ്ങള്‍, ഡ്യൂട്ടി ഫ്രീ ഷോപ്പുകള്‍ എന്നിവിടങ്ങളിലെല്ലാം ഈ സേവനം ലഭ്യമാകും.
350 ദശലക്ഷത്തിലധികം സജീവ ഉപയോക്താക്കളുള്ള ഇന്ത്യയിലെ ഏറ്റവും വലിയ തല്‍ക്ഷണ പേയ്മെന്റ് സംവിധാനമാണ് യുപിഐ.അടുത്തിടെയാണ് യുപിഐ പേയ്മെന്റ് സംവിധാനം യുഎഇയിൽ നടപ്പാക്കിയത്. സംവിധാനം പ്രാബല്യത്തിൽ വരുന്നതോ‌‌ടെ ഇന്ത്യൻ പ്രവാസികൾക്കും വിനോദ സഞ്ചാരികൾക്കും രാജ്യത്തിന്റെ ഏത് ഭാഗത്തും യുപിഐ വഴി പണമിടപാട് നടത്താം.
