ഇന്ത്യക്കെതിരായ ഏകദിന പരമ്പരയിലെ അവസാന മത്സരത്തില്‍ ഓസ്‌ട്രേലിയ്ക്ക് വിജയം. 66 റണ്‍സിനാണ്ഓസീസ്‌ ഇന്ത്യയെ തകര്‍ത്തത്. ഓസ്‌ട്രേലിയ മുന്നോട്ട് വെച്ച 353 റണ്‍സെന്ന കൂറ്റന്‍ വിജയലക്ഷ്യം പിന്തുടര്‍ന്ന ഇന്ത്യയ്ക്ക് വെറും രണ്ട് പന്തുകള്‍ ബാക്കി നില്‍ക്കെ വിക്കറ്റുകളെല്ലാം നഷ്ടപ്പെട്ടു. 49.4 ഓവറില്‍ 286 റണ്‍സ് മാത്രമാണ് ഹിറ്റ്മാനും സംഘത്തിനും നേടാന്‍ കഴിഞ്ഞത്. മൂന്ന് മത്സരങ്ങളടങ്ങിയ പരമ്പരയിലെ ആദ്യ രണ്ട് മത്സരങ്ങളും വിജയിച്ച ഇന്ത്യ നേരത്തെ തന്നെ പരമ്പര സ്വന്തമാക്കിയിരുന്നു.
