ബഹ്‌റൈൻ : പരിശുദ്ധ റമദാൻ മാസത്തിന് പരിസമാപ്തി കുറിക്കാൻ ഇനി ചുരുങ്ങിയ ദിവസങ്ങൾ മാത്രം. ത്യാഗത്തിന്റെയും സഹനത്തിന്റെയും ഈ മാസം കടന്നുപോകുമ്പോൾ സന്തോഷകരമായ ഈദ് പിറക്കുകയാണ് .
ഇന്ത്യൻ ക്ലബ്ബിന്റെ ഈദ് ആഘോഷം ഇത്തവണ മീഡിയാ രംഗ് ,അറേബ്യൻ മെലഡീസിന്റെ ആഭിമുഖ്യത്തിൽ മെയ് രണ്ടാം തീയ്യതി ഇന്ത്യൻ ക്ലബ്ബ് ഗ്രൗണ്ടിൽ വച്ച് നടത്തുവാൻ തീരുമാനിച്ചിരിക്കുകയാണ്. കോവിഡിന്റെ ഭീതിക്ക് ശേഷം ഇന്ത്യൻ ക്ലബ് ആദ്യമായി ഒരു സംഗീത വേദിക്ക് കൂടി വേദി ആവുകയാണ്. ഒരു പൊതുവേദിയിൽ സാധാരണക്കാർക്ക്കൂടി ആസ്വദിക്കാനായിട്ടാണ് ഈദിന്റെ ആഘോഷത്തോടനുബന്ധിച്ച് ഒരു സംഗീത പരിപാടി കൂടി നടത്തുവാൻ തീരുമാനിച്ചിട്ടുള്ളത്. മാപ്പിളപ്പാട്ട് രംഗത്തെ പ്രഗത്ഭനും റേഡിയോ അവതാരകനുമായ യൂസഫ് കാരക്കാട്, റിയാലിറ്റി ഷോ വിധികർത്താവും ഗായികയുമായ ശ്രീമതി ബെൻസീറാ തുടങ്ങിയവരുടെ നേതൃത്വത്തിൽ നടക്കുന്ന പെരുന്നാൾ നിലാവ് ഒരു ഗംഭീര വിജയമാക്കി മാറ്റാൻ എല്ലാ മാധ്യമപ്രവർത്തകരുടെയും പിന്തുണ ഞങ്ങൾ അഭ്യർത്ഥിക്കുന്നു. പ്രവേശനം തീർത്തും സൗജന്യമായിരിക്കും
ഇന്ത്യൻ ക്ലബ് പ്രസിഡന്റ്കെ എം ചെറിയാൻ,.സെക്രട്ടറി സതീഷ് ഗോപിനാഥ്, പെരുന്നാൾ നിലാവ് പരിപാടി ഡയരക്ടർ നിസാർ കുന്നംകുളത്തിങ്കൽ, കോർഡിനേറ്റർ റംഷാദ് അയലക്കാട്, സു ബിനാസ്, ഇന്ത്യൻ ക്ലബ് അസി. സെക്രട്ടറി ബിജോയ്‌ കമ്പ്രത്ത്, അസി. ട്രഷറർ അനീഷ് വർഗീസ് തുടങ്ങിയവരും വാർത്താസമ്മേളനത്തിൽ സംബന്ധിച്ചു
