ബഹ്‌റൈൻ : പ്രശസ്ത മാപ്പിളപ്പാട്ട് ഗായകനായ പീർമുഹമ്മദിൻ്റെ നിര്യാണത്തിൽ ഇന്ത്യൻ സോഷ്യൽ ഫോറം അനുശോചിച്ചു. മാപ്പിളപ്പാട്ടിനെ ജനകീയമാക്കുന്നതില്‍ അദ്ദേഹം വലിയ പങ്കുവഹിച്ചു. പ്രതിഭാശാലിയായ കലാകാരനായിരുന്നു. അദ്ദേഹത്തിൻ്റെ ഗാനങ്ങൾ മലയാളികൾ എക്കാലവും ഓർത്തിരിക്കുന്നതാണ്. കാഫ് മലകണ്ട പൂങ്കാറ്റേ, ഒട്ടകങ്ങൾ വരി വരിയായി തുടങ്ങിയ ഹിറ്റ് പാട്ടുകൾ ഈണമിട്ടതും പാടിയതും പീർ മുഹമ്മദാണ്. മാപ്പിളപ്പാട്ടുകൾക്കിടയിലെ പ്രണയഗാനങ്ങൾക്ക് വലിയ സ്വീകാര്യതയാണ് ലഭിച്ചത്. അദ്ദേഹത്തിൻ്റെ കുടുംബാംഗങ്ങളുടേയും സഹപ്രവർത്തകരുടേയും ദു:ഖത്തിൽ പങ്കുചേരുന്നതായി ഇന്ത്യൻ സോഷ്യൽ ഫോറം കേരള ഘടകം പ്രസിഡന്റ്‌ സൈഫ് അഴിക്കോടും ജനറൽ സെക്രട്ടറി മുഹമ്മദ്‌ അലിയും അനുശോചന സന്ദേശത്തിൽ പറഞ്ഞു
