ഇ​ൻ​ഡി​ഗോ മ​സ്​​ക​ത്ത്​–കൊ​ച്ചി സ​ർ​വി​സ്​ പുനരാംഭിക്കുന്നു

മസ്കറ്റ് : ഇന്ത്യയുടെ ബ​ജ​റ്റ്​ വി​മാ​ന ക​മ്പ​നി​യാ​യ ഇ​ൻ​ഡി​ഗോ മ​സ്​​ക​ത്തി​ൽ​നി​ന്ന്​ കൊ​ച്ചി​യി​ലേ​ക്ക്​ സ​ർ​വി​സ് പു​ന​രാ​രം​ഭി​ക്കു​ന്ന​ത്​ പ്ര​വാ​സി​ക​ൾ​ക്ക്, പ്ര​ത്യേ​കി​ച്ച്​ മ​ധ്യ, തെക്കൻ കേ​ര​ള​ത്തി​ൽ​നി​ന്നു​ള്ള​വ​ർ​ക്ക്​ ആ​ശ്വാ​സ​മാ​കും. ക​ഴി​ഞ്ഞ വ​ർ​ഷം ഏ​പ്രി​ൽ ഒ​ന്നു​മു​ത​ൽ നി​ർ​ത്തി​വെ​ച്ച സ​ർ​വി​സു​ക​ൾ ഫെ​ബ്രു​വ​രി 16 മു​ത​ലാ​ണ്​ പു​ന​രാ​രം​ഭി​ക്കു​ന്ന​ത്. പ്ര​തി​ദി​ന സർവീസിന്റെ ടി​ക്ക​റ്റ്​ ബു​ക്കി​ങ്​ ക​ഴി​ഞ്ഞ​ദി​വ​സം മു​ത​ൽ വെ​ബ്​​സൈ​റ്റി​ൽ ആ​രം​ഭി​ച്ചി​ട്ടു​ണ്ട്.ഫെ​ബ്രു​വ​രി 16 മു​ത​ൽ മാ​ർ​ച്ച്​ 28 വ​രെ വി​ൻ​റ​ർ ഷെ​ഡ്യൂ​ളി​ലും മാ​ർ​ച്ച്​ 29 മു​ത​ൽ സ​മ്മ​ർ ഷെ​ഡ്യൂ​ളി​ലു​മാ​ണ്​ സ​ർ​വി​സ്​ ഉ​ൾ​പ്പെ​ടു​ത്തി​യി​രി​ക്കു​ന്ന​ത്. ര​ണ്ടു​ ഷെ​ഡ്യൂ​ളി​ലും സമയ ക്രമത്തിൽ വ്യ​ത്യാ​സ​മു​ണ്ട്. വി​ൻ​റ​ർ ഷെ​ഡ്യൂ​ളി​ൽ കൊ​ച്ചി​യി​ൽ​നി​ന്ന്​ രാ​ത്രി 11ന്​ ​പു​റ​പ്പെ​ട്ട്​ പു​ല​ർ​ച്ചെ 1.25ന്​ ​മ​സ്​​ക​ത്തി​ലെ​ത്തും. തി​രി​ച്ച്​ 2.25ന്​ ​പു​റ​പ്പെ​ട്ട്​ പു​ല​ർ​ച്ചെ 7.30ന്​ ​കൊ​ച്ചി​യി​ലെ​ത്തും. സ​മ്മ​ർ ഷെ​ഡ്യൂ​ളി​ൽ രാ​ത്രി 8.55നാ​ണ്​ കൊ​ച്ചി​യി​ൽ​നി​ന്ന്​ വി​മാ​നം പു​റ​പ്പെ​ടു​ക. രാ​ത്രി 10.55ന്​ ​മ​സ്​​ക​ത്തി​ൽ ലാ​ൻ​ഡ്​​ ചെ​യ്യു​ന്ന വി​മാ​നം തി​രി​ച്ച്​ 11.55ന്​ ​പു​റ​പ്പെ​ട്ട്​ പു​ല​ർ​ച്ചെ 5.05ന്​ ​കൊ​ച്ചി​യി​ലി​റ​ങ്ങും. മാ​ർ​ച്ച്​ 15 വ​രെ ഒ​രു വ​ശ​ത്തേ​ക്ക്​ 43.2 റി​യാ​ൽ മു​ത​ലാ​ണ്​ ടി​ക്ക​റ്റ്​ നി​ര​ക്കു​ക​ൾ തു​ട​ങ്ങു​ന്ന​ത്. 16ന്​ ​ഇ​ത്​ 56.7 റി​യാ​ലാ​യി ഉ​യ​രുന്നുണ്ട് .

ജെ​റ്റ്​ എ​യ​ർ​വേ​സി​ന്​ പി​ന്നാ​ലെ ഇ​ൻ​ഡി​ഗോ​യും കൊ​ച്ചി​യി​ലേ​ക്കു​ള്ള സ​ർ​വി​സ്​ നി​ർ​ത്ത​ലാ​ക്കി​യ​തും, തിരുവന്തപുരത്തേക്കുള്ള ജെറ്റ് എയർ സർവീസ് നിർത്തലാക്കിയതും എ​യ​ർ​ഇ​ന്ത്യ എ​ക്​​സ്​​പ്ര​സ്​ ടി​ക്ക​റ്റ്​ നി​ര​ക്കു​ക​ൾ കുത്തന്നെ വ​ർ​ധി​പ്പി​ച്ചി​രു​ന്നു. കൊച്ചിയിൽ ടികെറ്റ് നിരക്ക് കൂടിയതോടെ തിരുവന്തപുരത്തേക്ക് ഉള്ള ടിക്കറ്റുകൾ കുത്തനെ കൂടിയിരുന്നു.

ബ​ജ​റ്റ്​ വി​മാ​ന​ങ്ങ​ളി​ൽ കു​റ​ഞ്ഞ നി​ര​ക്ക്​ മ​തി​യെ​ന്ന​തി​നാ​ൽ ചെ​റി​യ ആ​വ​ശ്യ​ങ്ങ​ൾ​ക്കും ചെ​റി​യ അ​വ​ധി​ക്കു​മൊ​ക്കെ നാ​ട്ടി​ൽ പോ​കു​ന്ന​ത്​ സാ​ധാ​ര​ണ​ക്കാ​രാ​യ പ്ര​വാ​സി​ക​ൾക്കാശ്വാസമായിരുന്നു. ബ​ജ​റ്റ്​ വി​മാ​ന ക​മ്പ​നി​യാ​യ ഗോ ​എ​യ​ർ മ​സ്​​ക​ത്തി​ൽ നി​ന്ന്​ ക​ണ്ണൂ​രി​ലേ​ക്കു​ള്ള സ​ർ​വി​സ്​ ആ​രം​ഭി​ച്ച​ത്​ ചെ​റി​യ ആ​ശ്വാ​സ​മാ​യി​രു​ന്നു. ക​ണ്ണൂ​രി​ലേ​ക്കു​ള്ള സ​ർ​വി​സി​ന്​ കു​റ​ഞ്ഞ നി​ര​ക്ക്​ ആ​യി​രു​ന്ന​തി​നാ​ൽ മ​ധ്യ​കേ​ര​ള​ത്തി​ലും തെ​ക്ക​ൻ കേ​ര​ള​ത്തി​ലു​മു​ള്ള നി​ര​വ​ധി യാ​ത്ര​ക്കാ​ർ ക​ണ്ണൂ​രി​നെ ആ​ശ്ര​യി​ച്ചി​രു​ന്നു. ഇ​ൻ​ഡി​ഗോ സ​ർ​വി​സ്​ പു​ന​രാ​രം​ഭി​ക്കു​ന്ന​തോ​ടെ ക​ണ്ണൂ​രി​ലേ​ക്കു​ള്ള ഇ​ത്ത​രം യാ​ത്ര​ക്കാ​രു​ടെ എ​ണ്ണ​ത്തി​ൽ കു​റ​വു​ണ്ടാ​കാൻ സാധ്യതഉണ്ട്. എന്തായാലും പ്രവാസികൾക്ക് ആശ്വാസമാണ് പുതിയ സർവീസുകൾ എന്നാൽ മുൻപ് അപ്രതീക്ഷമായി ഇൻഡിഗോ സർവീസുകൾ മുന്നറിപ്പില്ലാതെ നിർത്തലാക്കിയപ്പോൾ നിരവധി പ്രവാസികൾ ആണ് ബുദ്ധിമുട്ടിലായത്.സ്കൂൾ അവധി കാലത്തേക്ക് മുൻപ് ടിക്കറ്റ് ബുക്ചെയ്ത് നാട്ടിൽ പോകാൻ കഴിയാതെ നിരവധിപേർ കുടുങ്ങുകയും,വലിയ തുക നൽകി മറ്റു വിമാനങ്ങളെ ശ്രയിക്കേണ്ടിവന്നവരും നിരവധി പേരാണ്.