മനാമ: ബഡ്ജറ്റ് വിമാനകമ്പിനിയായ ഇൻഡിഗോയുടെ നേരിട്ടുള്ള ആദ്യവിമാനം ഇന്നലെ ബഹ്റൈനിലിറങ്ങി .മുംബൈയിൽ നിന്ന് തിങ്കളാഴ്ച രാവിലെയാണ് ബഹ്റൈനിലേക്കുള്ള ഇൻഡിഗോയുടെ നേരിട്ടുള്ള ആദ്യത്തെ വിമാനം എത്തിയത് . ബഹ്റൈനിലേക്കുള്ള ഇൻഡിഗോയുടെ സർവീസിനെ ബഹ്റൈൻ ഇന്റർനാഷണൽ എയർപോർട്ട്സ്വാഗതം ചെയ്തു .ആഗസ്റ്റ്1മുതൽ മുംബൈയ്ക്കും ബഹ്റൈനുമിടയിൽ നേരിട്ടുള്ള സർവീസുകൾ തുടങ്ങുമെന്ന് ഇൻഡിഗോ കഴിഞ്ഞ ജൂലൈ 6 ന് വ്യക്തമാക്കിയിരുന്നു .ബഹ്റൈനും കുവൈത്തുമടക്കമുള്ള ജി.സി.സി രാജ്യങ്ങളിലെ 25 ഓളം സ്ഥലങ്ങളിലേക്ക് നിലവിൽ ഇൻഡിഗോ സർവിസുകൾ നടത്തുന്നുണ്ടെന്ന് ഇൻഡിഗോ അധികൃതർ വ്യക്തമാക്കി.
