ഹമദ് ടൌൺ : ബഹ്‌റൈൻ പ്രവാസജീവിതം അവസാനിപ്പിച്ച് യാത്രയാകുന്ന ഹമദ് ടൌൺ ഏരിയാ സെക്രട്ടറി ശ്രീ. സെബി സെബാസ്റ്റ്യനു ഐ.വൈ.സി.സി യാത്രയപ്പ് നൽകി. ദേശീയ കമ്മറ്റിക്ക് വേണ്ടി ജനറൽ സെക്രട്ടറി ബെൻസി ഗനിയുഡും ഏരിയാ കമ്മറ്റിക്ക് വേണ്ടി ഏരിയാ പ്രസിഡണ്ട് നസീർ പാങ്ങോടും ഉപഹാരങ്ങൾ നൽകി. ചടങ്ങിൽ ഏരിയാ പുതിയ സെക്രട്ടറിയായി തിരഞ്ഞെടുക്കപ്പെട്ട കെ.ഹരിദാസ്,ഏരിയാ ട്രഷറർ റോയി മത്തായി, ദേശീയ ജോയിന്റ് സെക്രട്ടറി ബൈജു വണ്ടൂർ, മുതിർന്ന അംഗം ജോൺസൺ കൊച്ചി എന്നിവർ സന്നിഹിതരായിരുന്നു.
