ജിദ്ദ: .ഐ.സി.സി സൗദി വെസ്റ്റേണ്‍ റീജ്യണല്‍ കമ്മിറ്റിയുടെ കീഴില്‍ നടന്നു വരുന്ന പ്രവാസി സേവന കേന്ദ്ര ഹെല്പ് ഡസ്കിന്റെ എട്ടാം വാര്‍ഷികം ‘ഹൃദ്യം 2022’ വിപുലമായ കലാ – കായിക പരിപാടികളോടെ ഡിസംബർ 23 നു വെള്ളിയാഴ്ച ഉച്ചയ്ക്ക് 2.30 മുതൽ ഹറാസത്തിലുള്ള ബൊളിവാർഡ് വില്ലയിൽ നടക്കും. ഇതിന്റെ ഭാഗമായി സൂപ്പർ ഷെഫ് മത്സരവും സംഘടിപ്പിക്കുന്നു. കേക്ക്, സലാഡ്, പായസം എന്നി വിഭാഗങ്ങളിൽ നടക്കുന്ന മത്സരത്തിൽ വിജയികളാവുന്ന 3 പേർക്ക് ഫസ്റ്റ് , സെക്കന്റ്, തേർഡ് എന്ന അടിസ്ഥാനത്തിൽ സമ്മാനങ്ങൾ നൽകുന്നതായിരിക്കും. നൂറോളം കുട്ടികളുടെ വിവിധ പരിപാടികൾ മുഖ്യ ആകര്ഷണമായിരിക്കും, ജിദ്ദയിലെ പ്രമുഖ ഗായകർ അണിനിരക്കുന്ന ഗാനമേളയും ഉണ്ടായിരിക്കും. ഒരു ദിവസം നീണ്ടു നിൽക്കുന്ന പരിപാടിയിൽ കോവിഡ് മഹാമാരിയുടെ കാലത്തും , ഹജ് – ശബരിമല തീര്തഥാടന വേളയിലും സേവന സമയത്തും വളണ്ടിയർ പ്രവർത്തനം നടത്തിയവരെ ചടങ്ങിൽ വെച്ച് ആദരിക്കുന്നതാണ്. സാമൂഹിക – സാംസ്‌കാരിക – വിദ്യാഭ്യാസ മേഖലകളിലെ പ്രമുഖർ പങ്കെടുക്കുന്നതാണ്. ജിദ്ദ ഒ ഐ സി സി യുടെ പ്രവാസി സേവന കേന്ദ്ര, നോർക്ക ഹെല്പ് സെൽ, പ്രവാസി ക്ഷേമ നിധി സഹായ കേന്ദ്രം എന്നിവയിലൂടെ നിരവധി പേർക്ക് സഹായകരമായി പ്രവർത്തിക്കാൻ സാധിച്ചത് പ്രവാസി സമൂഹം നൽകിയ പിന്തുണകൊണ്ടാണന്നു റീജണൽ കമ്മിറ്റി പ്രസിഡണ്ട് കെ ടി എ മുനീർ പറഞ്ഞു. പരിപാടിയുടെ ഒരുക്കങ്ങളുമായി ബന്ധപെട്ടു നടത്തിയ യോഗത്തിൽ ആദ്യക്ഷം വഹിച്ചു സംസാരിക്കുകയായിരുന്നു. സകീർ ഹുസൈൻ എടവണ്ണ, അലി തേക്കുതോട്, നൗഷാദ് അടൂർ, നാസിമുദ്ധീൻ മണനാക്, അസാബ് വർക്കല, അഷ്‌റഫ് വടക്കേകാട്, അനിൽ കുമാർ കണ്ണൂർ, സമീർ നദവി കുറ്റിച്ചൽ, ഗഫൂർ പാറാഞ്ചേരി, റഫീഖ് മൂസ ഇരിക്കൂർ, സുബ്ഹാൻ വണ്ടൂർ, വിജാസ് ചിതറ, സിദ്ദിഖ് ചോക്കാട് എന്നിവർ സംസാരിച്ചു. പാചക മത്സരത്തിൽ പങ്കെടുക്കാൻ താല്പര്യമുള്ളവര്‍ മത്സരിക്കാന്‍ ഉദ്ദേശിക്കുന്ന വിഭാഗം,പേര് , മൊബൈല്‍ നമ്പര്‍ , സ്ഥലം എന്നിവ മുമ്പ് നിങ്ങള്‍ ഉണ്ടാക്കിയ കേക്ക് /സലാഡ്/പായസത്തിന്റെ ഒരു ഫോട്ടോ സഹിതം+966 551328244, +966 508350151 +966 50 814 4804 എന്ന നമ്പറുകളിലേക്ക് വാട്ടസ്ആപ് ചെയ്യുക.
