കൈരളി സലാല വസന്തോത്സവത്തിൻ്റെ ഭാഗമായി ഈദ് കലാസന്ധ്യ നടത്തി. ജൂലൈ 10 ന് ഞായറാഴ്ച രാത്രി 8 മണിക്ക്‌ കൈരളി ഹാളിൽ വെച്ച് നടന്ന പരിപാടിയിൽ നസീബ് കോഴിക്കോട്, ബിസ്ന സുജിൽ എന്നിവർക്കൊപ്പം കൈരളി സലാലയുടെ കലാകാരൻമാരും ബാലസംഘം കൂട്ടുകാരും അവതരിപ്പിച്ച പാട്ട്, ഡാൻസ് എന്നിവ നവ്യാനുഭവമായിരുന്നു. പരിപാടി കൈരളി രക്ഷാധികാരി അംബുജാക്ഷൻ ഉദ്ഘാടനം ചെയ്തു. കൈരളി പ്രസിഡൻ്റ് ഗംഗാധരൻ അയ്യപ്പൻ അധ്യക്ഷതവഹിച്ച പരിപാടിയിൽ ജനറൽ സെക്രട്ടരി സിജോയ് പേരാവൂർ സ്വാഗതവും,കലാവിഭാഗം കൺവീനർ സുരേഷ് പി. രാമൻ നന്ദിയും പറഞ്ഞു.
