ബഹ്റൈൻ : കേരള ക്രിസ്ത്യൻ ഏക്യൂമെനിക്കൽ കൗൺസിൽ (കെ.സി.ഇ.സി)-യുടെ ആഭിമുഖ്യത്തിൽ എല്ലാ അസോസിയേഷനുകളിലെയും സഭകളിലെയും കലാകാരന്മാരെയും കലാകാരികളെയും ഉൾപ്പെടുത്തി ഹെവൻലി ഹ്യൂസ് എന്ന പേരിൽ ഒരു മെഗാ ഷോ 17.6.2022 വെള്ളിയാഴ്ച 5.00 മണി മുതൽ ബഹ്റൈൻ കേരളീയ സമാജത്തിൽ വച്ച് നടക്കുന്നതാണ്. 5.30 ന് ക്രിസ്തീയ ഗാനമേളയോടു കൂടി ആരംഭിക്കും. തുടർന്ന് പ്രസിഡന്റ് റവ.ഫാ. ദിലീപ് ഡേവിഡ്സൺ മാർക്ക് അധ്യക്ഷത വഹിക്കുന്ന പൊതുസമ്മേളനത്തിൽ മത,സാമൂഹ്യ, സാംസ്കാരിക, ജീവകാരുണ്യ മേഖലകളിലെ പ്രമുഖർ ആശംസകൾ അർപ്പിച്ച് സംസാരിക്കുകയും ചെയ്യും. തുടർന്ന് വിവിധ സഭകളിലെ അംഗങ്ങൾ അണിനിരക്കുന്ന കൾച്ചറൽ നൈറ്റും , പറുദീസയുടെ വഴി എന്ന ഡ്രാമാസ്കോപ്പ് നാടകവും ഉണ്ടായിരിക്കുമെന്ന് ജനറൽ കൺവീനർ റവ.ഫാ. ഷാബു ലോറൻസ് , സെക്രട്ടറി ഷിനു സ്റ്റീഫൻ , ട്രഷറർ റിജോ ജോണി എന്നിവർ വാർത്താ കുറിപ്പിൽ അറിയിച്ചു.
