ബഹ്‌റൈൻ : കേരള കാത്തലിക് അസോസിയേഷൻ (കെ.സി.എ) കുട്ടികൾക്കായി നടത്തിവരുന്ന കലാ- സാഹിത്യ, സംസ്കാരിക മാമാങ്കം കെ സി എ ദി ഇന്ത്യൻ ടാലന്റ്റ് സ്കാൻ” ഈ വർഷവും നടത്തുവാൻ തീരുമാനിച്ചിരിക്കുന്നു. ബഹ്‌റൈനിൽ താമസക്കാരായ എല്ലാ ഇന്ത്യൻ കുട്ടികൾക്കും പങ്കെടുക്കുവാൻ സാധിക്കുന്ന മത്സരങ്ങൾ നവംബർ 2023 മുതൽ ഡിസംബർ 2023.വരെ നടത്തപ്പെടും.“ഈ വർഷം കൂടുതൽ പങ്കാളിത്തത്തോടെയും പ്രൊഫഷണലിസത്തോടെയും പരിപാടി നടത്താൻ ഞങ്ങൾ എല്ലാ ശ്രമങ്ങളും നടത്തും . കഴിഞ്ഞ ടാലന്റ് സ്കാൻ മത്സരങ്ങളെക്കുറിച്ച് രക്ഷിതാക്കളിൽ നിന്നുള്ള നല്ല പ്രതികരണം കാണുന്നതിൽ ഞങ്ങൾക്ക് സന്തോഷമുണ്ട്. പരിപാടിയുടെ സുഗമമായ നടത്തിപ്പിനായി റോയ് സി ആന്റണി (ചെയർമാൻ), ലിയോ ജോസഫ് / ശ്രീ വർഗീസ് ജോസഫ് (വൈസ് ചെയർമാൻ) എന്നിവരുടെ നേതൃത്വത്തിൽ വിപുലമായ കമ്മിറ്റി രൂപീകരിച്ചിട്ടുണ്ട്”, കെസിഎ പ്രസിഡന്റ് ശ്രീ നിത്യൻ തോമസ് പറഞ്ഞു. “കുട്ടികളുടെ മൊത്തത്തിലുള്ള വ്യക്തിത്വ വികസനത്തിന് ഊന്നൽ നൽകുന്നതിനായി ഞങ്ങൾ ടീം ഇവന്റുകൾ പ്രോത്സാഹിപ്പിക്കുന്നുവെന്നും ഒരു ടീമായി മത്സരിക്കുമ്പോൾ ടീം കെട്ടിപ്പടുക്കുന്നതും പരസ്പരം പിന്തുണയ്ക്കുന്നതും അവരെ തുറന്ന മനസ്സുള്ളവരാക്കാൻ സഹായിക്കുമെന്നും”” കെസിഎ ജനറൽ സെക്രട്ടറി വിനു ക്രിസ്റ്റി പറഞ്ഞു.ബഹ്‌റൈനിൽ താമസിക്കുന്ന, 2018 സെപ്റ്റംബർ 30 നും 2005 ഒക്ടോബർ 1 നും ഇടയിൽ ജനിച്ച ഇന്ത്യക്കാരായ കുട്ടികൾ ഇന്ത്യൻ ടാലന്റ്റ് സ്കാനിൽ പങ്കെടുക്കുവാൻ യോഗ്യരാണ്. പങ്കെടുക്കുന്നവരെ പ്രായത്തിൻറ്റെ അടിസ്ഥാനത്തിൽ 5 ഗ്രൂപ്പുകളായി തിരിച്ചിരിക്കുന്നു: –
ഗ്രൂപ്പ് -1 2016 ഒക്ടോബർ 1 നും 2018 സെപ്റ്റംബർ 30 നും ഇടയിൽ ജനിച്ച കുട്ടികൾ (രണ്ട് തീയതികളും ഉൾപ്പെടെ)
ഗ്രൂപ്പ് -2 2014 ഒക്ടോബർ 1 നും 2016 സെപ്റ്റംബർ 30 നും ഇടയിൽ ജനിച്ചവർ
ഗ്രൂപ്പ് -3 2012ഒക്ടോബർ 1 നും 2014 സെപ്റ്റംബർ 30 നും ഇടയിൽ ജനിച്ചവർ
ഗ്രൂപ്പ് -4 2009 ഒക്ടോബർ 1 നും 2012 സെപ്റ്റംബർ 30 നും ഇടയിൽ ജനിച്ചവർ
ഗ്രൂപ്പ് -5 2005 ഒക്ടോബർ 1 നും 2009 സെപ്റ്റംബർ 30 നും ഇടയിൽ ജനിച്ചവർ
ഈ വർഷം 5 ഗ്രൂപ്പുകൾക്കുമായി ഏകദേശം 150 വ്യക്തിഗത മത്സര ഇനങ്ങൾ ഉണ്ടായിരിക്കുന്നതാണ്. കൂടാതെ, തിരഞ്ഞെടുക്കാൻ നിരവധി ടീം ഇവന്റുകളും ഉണ്ട്. ഒരു മത്സരാർത്ഥിക്ക് 10 വ്യക്തിഗത ഇനത്തിലും കൂടാതെ എല്ലാ ടീം ഇനങ്ങളിലും പങ്കെടുക്കുവാൻ സാധിക്കും. ടീം ഇനങ്ങളിൽ നേടിയ പോയിന്റുകൾ വക്തിഗത ചാമ്പ്യൻഷിപ്പ് അവാർഡിനായി കണക്കാക്കില്ല, എന്നാൽ പോയിൻറ്റുകൾ സമനിലയാകുന്ന പക്ഷം ടീം ഇനങ്ങളിൽ നേടിയ പോയിന്റ്റ് അവാർഡ് നിർണയത്തിന് മാനദണ്ഡമാക്കും.“അപേക്ഷകൾ ഓൺലൈനായും ഓഫ്‌ലൈനായും സ്വീകരിക്കും. കെസിഎയുടെ ഉന്നത നിലവാരം പുലർത്തി സുഗമമായും പ്രൊഫഷണലായും പരിപാടി നടത്താൻ എല്ലാ ശ്രമങ്ങളും നടത്തും. ഇത് വലിയ വിജയമാക്കാൻ എല്ലാ കെസിഎ അംഗങ്ങളും നൽകിയ പിന്തുണ വളരെ അഭിനന്ദനാർഹമാണ്,” ബി എഫ് സി -കെ സി എ ഇന്ത്യൻ ടാലന്റ് സ്കാൻ പ്രോഗ്രാം കമ്മിറ്റി ചെയർമാൻ ശ്രീ റോയ് സി ആന്റണി പറഞ്ഞു.ഓരോ മത്സരാർത്ഥികളും പ്രത്യേക ഫോമുകൾ പൂരിപ്പിച്ചു നൽകേണ്ടുന്നതാണ്. എൻ‌ട്രിഫോമുകൾ സമർപ്പിക്കാനുള്ള അവസാന തീയതി 2023 ഒക്ടോബർ 23 ആയിരിക്കും.ഒന്നും രണ്ടും മൂന്നും സ്ഥാനങ്ങൾ നേടുന്ന വിജയികൾക്കുള്ള നിരവധി അവാർഡുകൾക്കും ട്രോഫികൾക്കും പുറമെ പങ്കെടുക്കുന്ന എല്ലാവർക്കും സർട്ടിഫിക്കറ്റുകളും നൽകുന്നതായിരിക്കും.ഇന്ത്യൻ ടാലന്റ്റ് സ്കാൻ 6 മത്സരവിഭാഗങ്ങൾ ആയിട്ടാണ് തിരിച്ചിരിക്കുന്നത് . നാട്യരത്‍ന മത്സരങ്ങൾ, സംഗീതരത്‍ന മത്സരങ്ങൾ, കലാരത്‍ന മത്സരങ്ങൾ, സാഹിത്യ രത്ന മത്സരങ്ങൾ, ആഡ്-ഓൺ മത്സരങ്ങൾ, കൂടാതെ ടീം ഇന മത്സരങ്ങൾ.
മത്സരക്രമം 04 നവംബറിന് നടക്കുന്ന ഉത്ഘാടനത്തിനു ശേഷം മത്സരങ്ങൾ ആരംഭിക്കും. മത്സരങ്ങളുടെ വിശദമായ മത്സര ക്രമം 2023 നവംബർ 2-ന് പ്രസിദ്ധീകരിക്കും.
ഗ്രൂപ്പ് ചാമ്പ്യൻഷിപ്പ് അവാർഡ്
ഓരോ ഗ്രൂപ്പിലും ഏറ്റവും ഉയർന്ന പോയിന്റ് നേടുകയും കുറഞ്ഞത് ഒരു ഒന്നാം സമ്മാനവും ഒരു A ഗ്രേഡും കരസ്ഥമാക്കുന്ന മത്സരാർത്ഥിക്ക് ഗ്രൂപ്പ് ചാമ്പ്യൻഷിപ്പ് അവാർഡ് നൽകും. അവൻ / അവൾ കുറഞ്ഞത് 3 വ്യക്തിഗത വിഭാഗങ്ങളിൽ നിന്നുള്ള സമ്മാനങ്ങളും നേടണം കൂടാതെ ടീം മത്സരങ്ങളിലൊന്നിലെങ്കിലും പങ്കെടുത്തിരിക്കണം.കെ.സി.എ സ്പെഷ്യൽ ഗ്രൂപ്പ് ചാമ്പ്യൻഷിപ്പ് അവാർഡ് കെ.സി.എ അംഗങ്ങളായ കുട്ടികൾക്കു മാത്രമുള്ളതാണ്. ഓരോ ഗ്രൂപ്പിലും കുറഞ്ഞത് ഒരു ഒന്നാം സമ്മാനവും ഒരു A ഗ്രേഡും നേടി ഏറ്റവും കൂടുതൽ പോയിന്റ്റ് കരസ്ഥമാക്കുന്ന കെ.സി.എ അംഗമായാ മത്സരാർത്ഥിക്ക് ഈ അവാർഡ് നൽകും. അവൻ / അവൾ ടീം മത്സരങ്ങളിലൊന്നിലെങ്കിലും പങ്കെടുക്കണം.
കലപ്രതിഭ അവാർഡ്, കലാതിലകം അവാർഡ്
താഴെപ്പറയുന്ന മാനദണ്ഡങ്ങൾ പാലിക്കുന്ന ആൺകുട്ടികളിലും പെൺകുട്ടികളിലും ഏറ്റവും കൂടുതൽ പോയിന്റ് നേടുന്ന ആൺകുട്ടിക്ക് കലപ്രതിഭ അവാർഡും, പെൺകുട്ടിക്ക് കലാതിലകം അവാർഡും സർട്ടിഫിക്കറ്റിനൊപ്പം എവർ റോളിംഗ് ട്രോഫി സമ്മാനിക്കും:
കുറഞ്ഞത് ഒരു ഒന്നാം സമ്മാനവും ഒരു A ഗ്രേഡും നേടിയിരിക്കണം
- കുറഞ്ഞത് 3 വ്യക്തിഗത വിഭാഗങ്ങളിൽ നിന്നുള്ള സമ്മാനങ്ങൾ നേടിയിരിക്കണം.
- ടീം മത്സരങ്ങളിൽ നിന്ന് കുറഞ്ഞത് ഒരു എ / ബി ഗ്രേഡെങ്കിലും നേടിയിരിക്കണം
- ഒരു മത്സര വിഭാഗത്തിൽ നിന്ന്, മികച്ച 5 ഫലങ്ങൾ മാത്രമേ പരിഗണിക്കൂ. (ഉദാ: സംഗീത രത്ന വിഭാഗത്തിൽ നിന്ന് ഒരു കുട്ടി 6 സമ്മാനങ്ങൾ നേടിയാൽ, ആ വിഭാഗത്തിൽ നിന്ന് മികച്ച 5 ഫലങ്ങൾ മാത്രമേ പരിഗണിക്കൂ. ഈ അവാർഡ് ജേതാവ് ബഹുമുഖ പ്രതിഭ ആണെന്ന് ഉറപ്പാക്കാനാണിത്.)
നാല് വിഭാഗങ്ങളിൽ ഏറ്റവും കൂടുതൽ പോയിന്റ്റ് കരസ്ഥമാക്കുന്ന മത്സരാർത്ഥിക്കൾക്ക് പ്രത്യേക അവാർഡും കെ.സി.എ നൽകുന്നു. നാട്യ രത്ന അവാർഡ് ഡാൻസ് വിഭാഗത്തിൽ പങ്കെടുക്കുന്ന എല്ലാ ഗ്രൂപ്പുകളിലെ മത്സരാർഥികളിൽ ഏറ്റവും ഉയർന്ന പോയിന്റ്റ് നേടുകയും കുറഞ്ഞത് ഒരു ഒന്നാം സമ്മാനവും ഒരു A ഗ്രേഡും കരസ്ഥമാക്കുന്നവർക്കു സമ്മാനിക്കുന്നു. അവൻ / അവൾ ടീം മത്സരങ്ങളിലൊന്നിലെങ്കിലും പങ്കെടുത്തിരിക്കണം. അതുപോലെ സംഗീത രത്ന അവാർഡ്, കലാ രത്ന അവാർഡ്, സാഹിത്യ രത്ന അവാർഡ് എന്നിവ അതാത് വിഭാഗത്തിലെ വിജയികൾക്ക് സമ്മാനിക്കും.
സ്കൂളുകൾക്കും നൃത്ത അധ്യാപകർക്കുമുള്ള അവാർഡുകൾ
സ്കൂളുകളുടെ പങ്കാളിത്വത്തിനും പ്രകടന മികവിനും ഉള്ള അവാർഡ്.
ഇന്ത്യൻ ടാലന്റ്റ് സ്കാൻ 2023 ൽ പങ്കെടുക്കാൻ കുട്ടികളെ പ്രോത്സാഹിപ്പിക്കുന്ന സ്കൂളുകൾക്ക് പങ്കെടുക്കുന്ന കുട്ടികളുടെ എണ്ണത്തിൻറ്റെ അടിസ്ഥാനത്തിലും, ആ സ്കൂളുകളിൽ നിന്നുള്ള കുട്ടികൾക്ക് ലഭിച്ച മൊത്തം ഗ്രേഡ് പോയിൻറ്റുകളുടെ അടിസ്ഥാനത്തിലും പ്രത്യേക അവാർഡ് നൽകുകയും ആദരിക്കുകയും ചെയ്യും.
മികച്ച നൃത്ത അധ്യാപക അവാർഡ്
ഈ അവാർഡ് കുട്ടികളെ മത്സരങ്ങളിൽ പങ്കെടുപ്പിക്കുവാൻ നൃത്ത അധ്യാപകർ നടത്തുന്ന പരിശ്രമങ്ങളെ അഭിനന്ദിക്കാനും കഴിവിനെ ആദരിക്കാനും വേണ്ടി ഏർപ്പെടുത്തിയിരിക്കുന്നു. മത്സരങ്ങൾക്ക് മുമ്പായി അല്ലെങ്കിൽ രജിസ്ട്രേഷൻ സമയത്ത് മത്സരാർത്ഥികൾ എഴുതി നൽകുന്ന അധ്യാപകരിൽ നിന്നുമാണ് ഇതു തിരഞ്ഞെടുക്കുന്നത്. ഏറ്റവും കൂടുതൽ കുട്ടികളെ പങ്കടുപ്പിച്ചതും, വ്യക്തിഗത, ടീം ഇനങ്ങളിൽ പങ്കെടുക്കുന്നവരുടെ എണ്ണം, ലഭിച്ച ഗ്രേഡുകൾ, പോയിന്റുകൾ, കുട്ടികൾ നേടിയ സമ്മാനങ്ങൾ എന്നിവയാണ് ഈ അവാർഡിന് മാനദണ്ഡം.
മികച്ച സംഗീത അധ്യാപക അവാർഡ്
കുട്ടികളെ മത്സരങ്ങളിൽ പങ്കെടുപ്പിക്കുവാൻ സംഗീത അധ്യാപകർ നടത്തുന്ന പരിശ്രമങ്ങളെ അഭിനന്ദിക്കാനും കഴിവിനെ ആദരിക്കാനും വേണ്ടി പ്രത്യേക അവാർഡ് ഏർപ്പെടുത്തിയിരിക്കുന്നു. മത്സരങ്ങൾക്ക് മുമ്പായി അല്ലെങ്കിൽ രജിസ്ട്രേഷൻ സമയത്ത് മത്സരാർത്ഥികൾ എഴുതി നൽകുന്ന അധ്യാപകരിൽ നിന്നുമാണ് ഇതു തിരഞ്ഞെടുക്കുന്നത്. ഏറ്റവും കൂടുതൽ കുട്ടികളെ പങ്കടുപ്പിച്ചതും, വ്യക്തിഗത, ടീം ഇനങ്ങളിൽ പങ്കെടുക്കുന്നവരുടെ എണ്ണം, ലഭിച്ച ഗ്രേഡുകൾ, പോയിന്റുകൾ, കുട്ടികൾ നേടിയ സമ്മാനങ്ങൾ എന്നിവയാണ് ഈ അവാർഡിന് മാനദണ്ഡം.
ഓരോ മത്സര ഇനത്തിനും കെ.സി.എ അംഗങ്ങൾക്ക് ഒരു ദിനാറും, കെ.സി.എ അംഗങ്ങളല്ലാത്തവർക്ക് രണ്ട് ദിനാറും പ്രവേശന ഫീസ്സായി നിശ്ചയിച്ചുണ്ട് . ഡാൻസ് ഇനങ്ങൾക്കായി, അംഗങ്ങളല്ലാത്തവർക്ക് ഓരോ ഇനത്തിനും മൂന്ന് ദിനാറും, ടീം മത്സരങ്ങൾക്കായി, ഒരു ടീമിന് പത്തു ദിനാറും ആയിരിക്കും ഫീസ്. കെ സി എ അംഗങ്ങൾ ഇതിനായി സെപ്റ്റംബർ 2023 വരെയുള്ള മെമ്പർഷിപ് ഫീസ് അടച്ചിരിക്കണം
.കൂടുതൽ വിവരങ്ങൾക്ക് സംഘാടക സമിതി ചെയർമാൻ ശ്രീ. റോയ് സി. ആന്റണി (39681102 or 38984900) അല്ലെങ്കിൽ വൈസ് ചെയർമാൻമാരായ ശ്രീ. ലിയോ ജോസഫ് (39207951) , ശ്രീ. വർഗീസ് ജോസഫ് (39300835) എന്നിവരെ ബന്ധപ്പെടുക.
മുഖ്യ പരിപാടികൾ
ഒക്ടോബർ 12: ഇന്ത്യൻ ടാലന്റ്റ് സ്കാൻ ഓഫീസ് ഉത്ഘാടനവും രജിസ്ട്രേഷൻ ആരംഭിക്കലും
ഒക്ടോബർ 23: അപേക്ഷ സമർപ്പിക്കാനുള്ള അവസാന തീയതി
ഒക്ടോബർ 28: യോഗ്യരായ മത്സരാർത്ഥികളുടെ പ്രാരംഭ പട്ടിക പ്രസിദ്ധീകരിക്കുന്നു
ഒക്ടോബർ 30: പ്രസിദ്ധീകരിച്ച പട്ടികയിൽ എന്തെങ്കിലും തിരുത്തലുകൾ ഉണ്ടെങ്കിൽ നൽകുവാനുള്ള അവസാന തീയതി
നവംബർ 1: മത്സരാർത്ഥികളുടെ അന്തിമ പട്ടിക പ്രസിദ്ധീകരിക്കുന്നു
നവംബർ 2: പ്രോഗ്രാമുകളുടെ അന്തിമ ഷെഡ്യൂൾ പ്രസിദ്ധീകരിക്കുന്നു
നവംബർ 4: ഇന്ത്യൻ ടാലന്റ്റ് സ്കാൻ 2023 ൻറ്റെ ഔദ്യോഗിക ഉത്ഘാടനം.
ഗ്രാൻഡ് ഫിനാലെ / അവാർഡ് നൈറ്റ് തീയതി പിന്നീട് അറിയിക്കുമെന്നും സംഘാടകർ വ്യക്തമാക്കി 
