മസ്‌കത്ത്: ഒമാനിലെ പ്രമുഖ ഹൈപ്പര്‍മാര്‍ക്കറ്റ് ഗ്രൂപ്പായ കെ എം ട്രേഡിംഗ് ഓണാഘോഷങ്ങളോടനുബന്ധിച്ച് ‘ഈ ഓണാഘോഷം കെ എം ട്രേഡിംഗിനൊപ്പം’ എന്ന ക്യാമ്പയിന്‍ സംഘടിപ്പിക്കുന്നു. ‘മധുരമായ് പാടാം മാധുര്യം വിളമ്പാം’ എന്ന തലക്കെട്ടില്‍ സംഘടിപ്പിക്കുന്ന പരിപാടിയിൽ വിവിധ മത്സരങ്ങള്‍ ഉള്‍പ്പെടെ ആകർഷകങ്ങളായ പ്രമോഷനുകളും ഓഫറുകളുമാണ് ക്യാമ്പയിന്റെ ഭാഗമായി ഉപഭോക്താക്കള്‍ക്കായി ഒരുക്കുന്നതെന്നും മാനേജ്‌മെന്റ് പ്രതിനിധികള്‍ വാര്‍ത്താ സമ്മേളനത്തില്‍ അറിയിച്ചു.പാട്ട് പാടൂ സമ്മാനങ്ങൾ നേടൂ , പായസ മേള എന്നിവ ആഗസ്ത് 31ന് അല്‍ഖുവൈര്‍ കെ എം ഹൈപ്പര്‍മാര്‍ക്കറ്റില്‍ നടക്കും. വൈകീട്ട് അഞ്ച് മണിക്ക് ആരംഭിക്കുന്ന ആഘോഷ പരിപാടികളില്‍ “സിംഗ് ആന്റ് വിന്‍”പാട്ട് പാടൂ സമ്മാനങ്ങൾ നേടൂ എന്ന പരിപാടി അരങ്ങേറും. പരിപാടിയുടെ ഭാഗമാകാൻ ആഗ്രഹിക്കുന്ന 15നും 35നും ഇടയില്‍ പ്രായമുള്ളവര്‍ അവരുടെ ഇഷ്ടഗാനം ആലപിച്ച 30 സെക്കന്റ് മുതല്‍ 40 സെക്കന്റ് വരെയുള്ള വോയിസ് അല്ലെങ്കില്‍ വീഡിയോ ക്ലിപ്പുകള്‍ 968 -78184300 എന്ന നമ്പറിലേക്ക് അയക്കാവുന്നതാണ്. ഇതില്‍ നിന്നും തിരഞ്ഞെടുക്കപ്പെടുന്ന മികച്ച 12 ഗായകര്‍ക്ക് 31ന് നടക്കുന്ന മത്സരത്തില്‍ പങ്കെടുക്കാൻ അവസരം ഉണ്ടാകും.അല്‍ഖുവൈര്‍ കെ എം ഹൈപ്പര്‍മാര്‍ക്കറ്റില്‍ വൈകീട്ട് ആറു മണി മുതല്‍ നടക്കുന്ന പായസ മേളയില്‍ 30 മത്സരാര്‍ഥികള്‍ പങ്കെടുക്കും. പ്രവേശനം രജിസ്‌ട്രേഷന്‍ വഴി ആയിരിക്കും. 968 -78589600 എന്ന നമ്പറില്‍ മുന്‍കുട്ടി രജിസ്റ്റര്‍ ചെയ്തവരിൽ നിന്നും ഷെഫുമാർ തിരഞ്ഞെടുത്ത 30 പേര്‍ക്ക് അവസരം ലഭിക്കും. മലയാളി ഷെഫ് ഉള്‍പ്പെടെ മൂന്ന് പ്രമുഖ പാചക വിദഗ്ധര്‍ വിധി നിര്‍ണയിക്കും. പായസമേളയിൽ വിജയികളാകുന്ന ആദ്യ മൂന്ന് സ്ഥാനക്കാര്‍ക്ക് ആകർഷകമായ സമ്മാനങ്ങളും പങ്കെടുക്കുന്ന മുഴുവന്‍ മത്സരാര്‍ഥികള്‍ക്കും പ്രോത്സാഹന സമ്മാനങ്ങളും നല്‍കും. ആഗസ്ത് 22 മുതല്‍ രജിസ്‌ട്രേഷന്‍ ആരംഭിക്കും.രണ്ടു മത്സരങ്ങളുടെയും രജിസ്‌ട്രേഷന്‍ ആഗസ്ത് 27ന് സമാപിക്കും. വിധി നിര്‍ണയത്തിന് ശേഷം പൊതുജനങ്ങള്‍ക്കും പായസ മധുരം രുചിച്ചറിയാന്‍ അവസരമുണ്ടാകും. ഈ വര്‍ഷത്തെ ഓണഘോഷത്തോടനുബന്ധിച്ചു വിവിധ തരം മികവാര്‍ന്ന ഓഫറുകള്‍ ഒമാനിലെ മുഴുവന്‍ കെ എം ട്രേഡിംങ് ശാഖകളിലും, അല്‍ സഫ ഔട്‌ലെറ്റുകളിലും ഒരിക്കിയിട്ടുണ്ടെന്ന് മാനേജ്‌മെന്റ് പ്രതിനിധികള്‍ വാര്‍ത്താ സമ്മേളനത്തില്‍ അറിയിച്ചു. കൂടുതൽ വിവരങ്ങൾക്ക് ബന്ധപ്പെടുക + 968 90 33 7 001 ,https://imgur.com/a/AiydFe4
