മനാമ: കൊയിലാണ്ടിക്കൂട്ടം ബഹ്‌റൈൻ ചാപ്റ്റർ കുടുംബസംഗമവും ബഹ്‌റൈൻ നാഷണൽ ഡേ ആഘോഷവും സദദിലെ ഗ്രേസ് വില്ലയിൽ സംഘടിപ്പിച്ചു.
കൊയിലാണ്ടിക്കൂട്ടം ബഹ്‌റൈൻ ചാപ്റ്റർ പ്രസിഡന്റ് ഗിരീഷ് കാളിയത്തിന്റെ അധ്യക്ഷതയിൽ ചേർന്ന യോഗത്തിൽ ചെയർമാൻ കെ. ടി. സലിം അൻപതാം ദേശീയ ദിനമാഘോഷിക്കുന്ന ബഹ്‌റൈൻ ഭരണാധികാരികൾക്കും ജനതക്കും ആശംസകൾ നേർന്ന് സംസാരിച്ചു. രക്ഷാധികാരികളായ സുരേഷ് തിക്കോടി, സൈൻ കൊയിലാണ്ടി എന്നിവർ സന്നിഹിതരായിരുന്നു. ജനറൽ സെക്രട്ടറി ഹനീഫ് കടലൂർ സ്വാഗതവും ട്രഷറർ നൗഫൽ നന്തി നന്ദിയും രേഖപ്പെടുത്തി.
ഗാനമേളയും കുട്ടികൾക്കും മുതിർന്നവർക്കും ഗെയിം ഇനങ്ങളും ഉൾപ്പെട്ട കൂടിച്ചേരൽ, കൊയിലാണ്ടിക്കൂട്ടം അംഗങ്ങൾക്കും കുടുംബാംഗങ്ങൾക്കും
കോവിഡ് കാലത്തെ ഇടവേളക്ക് ശേഷമുള്ള ഉണർവ് നൽകുന്ന അനുഭവമായി. ഭാരവാഹികളായ ജബ്ബാർ കുട്ടീസ്, ജെ. പി. കെ. തിക്കോടി, ജസീർ കാപ്പാട്, രാകേഷ് പൗർണമി, മറ്റ് എക്സിക്യൂട്ടീവ് കമ്മിറ്റി അംഗങ്ങൾ എന്നിവർ നേതൃത്വം നൽകി.
