നിയമ നടപടി : 2021 ന്റെ ആദ്യ പകുതിയിൽ കുവൈറ്റിൽ 2,882 അറസ്റ്റ് വാറണ്ടുകൾ പുറപെടുവിച്ചു

കുവൈറ്റ് : ആഭ്യന്തര മന്ത്രാലയത്തിന് കീഴിലുള്ള സെൻറ്റൻസ് എൻഫോഴ്സ്മെൻറ് ഡിപ്പാർട്ട്മെൻറ് പുറത്തുവിട്ട സ്ഥിതിവിവരക്കണക്കുകൾ അനുസരിച്ച് 2021 ന്റെ ആദ്യ പകുതിയിൽ മൊത്തം 2,882 അറസ്റ്റ് വാറന്റുകൾ പുറപ്പെടുവിക്കുകയും അതിൽ 1,882 ഉത്തരവുകൾ നടപ്പിലാക്കിയതായും അധികൃതർ അറിയിച്ചു . ഇതിൻറെ ഭാഗമായി 1,012 അറസ്റ്റുകൾ രേഖപ്പെടുത്തിയതായും കണക്കുകൾ പറയുന്നു.കുവൈറ്റിൽ ഉടനീളം സുരക്ഷാ പ്രചാരണ പരിപാടികൾ തുടരുകയാണെന്നും സ്വദേശികളും പ്രവാസികളും ഉൾപ്പെടെ ഏവരും സുരക്ഷാ സേനയുമായി സഹകരിക്കണമെന്നും നിയമലംഘകർക്ക് അഭയം നൽകരുതെന്നും, അല്ലാത്തപക്ഷം നിയമ നടപടികൾ നേരിടേണ്ടി വരുമെന്നും ആഭ്യന്തരമന്ത്രാലയം മുന്നറിയിപ്പ് നൽകി.