ദുബായ് : അബുദാബിയില്‍ നിര്‍മ്മിക്കുന്ന സി.എസ്.ഐ (ചര്‍ച്ച് ഓഫ് സൗത്ത് ഇന്ത്യയുടെ ) ദേവാലയത്തിന് വ്യവസായിയും ലുലു ഗ്രൂപ്പ് ചെയര്‍മാനുമായ എം എ യൂസഫലി സഹായം നൽകി . ദേവാലയത്തിന്റെ നിര്‍മ്മാണത്തിലേക്കായി ഒരു കോടി രൂപ (അഞ്ച് ലക്ഷം യൂ എ ഇ ദിർഹം ) യൂസഫലി നല്‍കിയത്. അബുദാബി സിഎസ്ഐ പാരിഷ് വികാരി റവ: ലാല്‍ജി എം. ഫിലിപ്പ് യൂസഫലിയില്‍ നിന്ന് തുക ഏറ്റുവാങ്ങി.ചടങ്ങിൽ സിഎസ്‌ ഐ മധ്യകേരള മഹാഇടവക ബിഷപ്പ് റൈറ്റ് റവ: ഡോ: മലയില്‍ സാബു കോശി ചെറിയാന്‍ ഓണ്‍ ലൈനായി പങ്കെടുത്തു. എല്ലാ മതവിഭാഗങ്ങളുടെയും ആരാധനാലയങ്ങളുള്ള യുഎഇയില്‍ വ്യത്യസ്ത മതക്കാര്‍ക്ക് പരസ്പരം സഹകരണത്തോടെ കഴിയാനുള്ള സാഹചര്യമാണ് ഭരണാധികാരികള്‍ ഉറപ്പ് നല്‍കുന്നതെന്ന് എംഎ യൂസഫലി പറഞ്ഞു.
യുഎഇ സിഎസ്ഐ ദേവാലയത്തിന് ഒരു കോടി രൂപ സഹായം നല്‍കി ലുലു ഗ്രൂപ്പ് ചെയര്‍മാൻ എം എ യൂസഫലി
By : Mervin Karunagapally
